ബെംഗളൂരു: നഗരത്തെ അലട്ടുന്ന പ്രശ്‌നങ്ങൾക്ക് എല്ലാം തന്റെ ഭരണകൂടം ഉടൻ പരിഹാരമുണ്ടാക്കുമെന്ന് ഉറപ്പ് നൽകി മുഖ്യമന്ത്രി ബസവരാജ് ബൊമ്മൈ.വെള്ളിയാഴ്ച ടൂറിസം വകുപ്പിന്റെ ആഭിമുഖ്യത്തിൽ സംഘടിപ്പിച്ച സൗത്ത് ഇന്ത്യൻ ഹോട്ടൽ ആൻഡ് റെസ്റ്റോറന്റ്സ് അസോസിയേഷന്റെ വാർഷിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ബെംഗളൂരു എല്ലവർക്കും ഇഷ്ടപ്പെട്ട നഗരമാണ്. ഏറ്റവും കൂടുതൽ വിനോദസഞ്ചാരികൾ, മൊബിലിറ്റി, ആർ ആൻഡ് ഡി, ഫോർച്യൂൺ 500 ലതികം കമ്പനികൾ എന്നിവ ഇവിടെയുണ്ട്. നഗരത്തിൽ പ്രശ്‌നങ്ങളുണ്ടെന്ന് ഞാൻ സമ്മതിക്കുന്നു, എന്നാൽ മറ്റ് നഗരങ്ങളിലും റോഡ് മോശം തുടങ്ങി ട്രാഫിക് പ്രശ്‌നങ്ങളുണ്ട്, എന്നാൽ ഇവിടെത്തെ പ്രശ്നങ്ങളെല്ലാം ഏതാനും മാസങ്ങൾക്കുള്ളിൽ പരിഹാരമുണ്ടാകുമെന്ന് ഞാൻ ഉറപ്പുനൽകുന്നു എന്നും പറഞ്ഞു. ബെംഗളൂരുവിലെ എല്ലാ പ്രശ്‌നങ്ങൾക്കും ഉടൻ പരിഹാരമുണ്ടാകുമെന്നും ബൊമ്മൈ കൂട്ടിച്ചേർത്തു.
ദിവസവും ലക്ഷക്കണക്കിന് ആളുകൾ ഇവിടെയെത്തുന്നതിനാൽ നഗരത്തിൽ ജോലി ചെയ്യുന്നവരുടെ എണ്ണത്തിൽ ദ്രുതഗതിയിലുള്ള വർധനയുണ്ടാകുന്നതിനാൽ ഗതാഗത സാന്ദ്രത ഒരു സാധാരണ പ്രശ്നമാണെന്നും ബൊമ്മൈ പറഞ്ഞു. എല്ലാ ആധുനിക സൗകര്യങ്ങളോടും കൂടി സംസ്ഥാനത്ത് അഞ്ച് പുതിയ നഗരങ്ങൾ നിർമ്മിക്കാൻ തീരുമാനിച്ചട്ടുണ്ടെന്നും അതിനെ ‘നവ കർണാടക’ എന്ന് വിളിക്കുമെന്നും അദ്ദേഹം വ്യക്തമാക്കി
ഈ വർഷം മൂന്ന് പുതിയ വിമാനത്താവളങ്ങൾ തുറക്കുകയും അടുത്ത വർഷം മൂന്ന് വിമാനത്താവളങ്ങൾ നിർമ്മിക്കുകയും ചെയ്യും. പുതിയ എയർസ്ട്രിപ്പും നിർമിക്കുമെന്നും മുഖ്യമന്ത്രി വാക്ക് നൽകി. പ്രധാനപ്പെട്ട വിനോദസഞ്ചാര കേന്ദ്രങ്ങൾ വികസിപ്പിക്കുമെന്നും അഞ്ജനാദ്രി ഹിൽസ്, ജോഗ് ഫാൾസ് എന്നിവയുൾപ്പെടെ ആറ് റോപ്‌വേകൾ നിർമ്മിക്കുമെന്നും അദ്ദേഹം പറഞ്ഞു. കർണാടക പുരോഗമനപരവും സൗഹൃദപരവുമായ സംസ്ഥാനമാണെന്നും ടൂറിസം മേഖലയിൽ മികച്ച ആതിഥേയരാണെന്നും അദ്ദേഹം പറഞ്ഞു.
നല്ല ആതിഥ്യം ആളുകളെ ആകർഷിക്കുക മാത്രമല്ല, സംസ്ഥാനത്തെക്കുറിച്ച് നല്ല മതിപ്പ് സൃഷ്ടിക്കുകയും ചെയ്യും. കർണാടകയിൽ ഹംപി, മൈസൂരു എന്നീ രണ്ട് ടൂറിസ്റ്റ് സർക്യൂട്ടുകൾ ഉടൻ ആരംഭിക്കുമെന്നും ഒറ്റ ടിക്കറ്റ് സമ്പ്രദായം ആരംഭിക്കുമെന്നും അദ്ദേഹം പറഞ്ഞു. സ്ത്രീകളെയും തീർഥാടകരെയും പോലെ ഓരോ മേഖലയ്ക്കും മാത്രമായി ഒരു പുതിയ ടൂറിസം പ്രവർത്തന പദ്ധതി അദ്ദേഹം തേടി. എല്ലാ സംസ്ഥാനങ്ങളോടും ഹോട്ടലുകളോടും ഏകോപിപ്പിക്കാനും ഒരു ചെയിൻ നെറ്റ്‌വർക്ക് സൃഷ്ടിക്കാനും അദ്ദേഹം ആവശ്യപ്പെട്ടു. ജിഎസ്ടിയിലും നികുതിയിലും മാറ്റം വരുത്തണമെന്ന ആവശ്യത്തിൽ ബന്ധപ്പെട്ടവരുമായും കേന്ദ്രവുമായും ചർച്ച നടത്തുമെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
