ബെംഗളൂരു: ബെല്ലാരിയിലെ വിവിധ മേഖലകൾ കേന്ദ്രീകരിച്ച് പ്രവർത്തിച്ചിരുന്ന പെൺവാണിഭ സംഘത്തെ പോലീസ് പിടികൂടി. ഗാന്ധിനഗർ, എപിഎംസി, ബ്രൂസ്പേട്ട് എന്നീ പോലീസ് സ്റ്റേഷൻ പരിധികളിലെ നാല് വീടുകളിൽ നിയമവിരുദ്ധമായി പെൺവാണിഭം നടക്കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലായിരുന്നു പോലീസ് നടപടി. വ്യക്തമായ വിവരങ്ങൾ ലഭിച്ചതിനെ തുടർന്ന് മൂന്ന് സ്റ്റേഷനുകളിലെയും പോലീസ് ഉദ്യോഗസ്ഥർ ഒന്നിച്ച് ചേർന്ന് സംയുക്തമായി ഒരേസമയം ഈ കേന്ദ്രങ്ങളിൽ റെയ്ഡ് നടത്തുകയായിരുന്നു.
ആസൂത്രിതമായി നടത്തിയ ഈ ഓപ്പറേഷനിൽ പെൺവാണിഭ റാക്കറ്റിൽ ഉൾപ്പെട്ട ആറ് പ്രതികളെ പോലീസ് അറസ്റ്റ് ചെയ്തു. റെയ്ഡിനിടെ ഇരകളാക്കപ്പെട്ട എട്ട് സ്ത്രീകളെ പോലീസ് സംഘം സുരക്ഷിതമായി രക്ഷപ്പെടുത്തുകയും ചെയ്തിട്ടുണ്ട്.
പ്രദേശത്ത് കഞ്ചാവ് വിൽപ്പന, ഇസ്പീത്ത് (ചൂതാട്ടം) റാക്കറ്റുകൾ എന്നിവ പോലെ തന്നെ വേശ്യാവൃത്തിയും വ്യാപകമാകുന്നതായി പോലീസ് വിലയിരുത്തുന്നു. ഈ സാഹചര്യത്തിൽ വരും ദിവസങ്ങളിലും പരിശോധനകളും ശക്തമായ പോലീസ് നടപടികളും തുടരുമെന്ന് അധികൃതർ വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
