ബെംഗളൂരു: ഈ ഞായറാഴ്ച (മെയ് 17) പർപ്പിൾ ലൈനിലെ ഹൊസഹള്ളി, കബ്ബൺ പാർക്ക് സ്റ്റേഷനുകൾക്കിടയിലുള്ള മെട്രോ ട്രെയിൻ സർവീസുകൾ സാധാരണ സമയമായ രാവിലെ 7 മണിക്ക് പകരം 9 മണിക്ക് മാത്രമേ ആരംഭിക്കുകയുള്ളൂ എന്ന് നമ്മ നമ്മ മെട്രോ അധികൃതർ അറിയിച്ചു. മജസ്റ്റിക്, സെൻട്രൽ കോളേജ് സ്റ്റേഷനുകൾക്കിടയിൽ അടിയന്തിര അറ്റകുറ്റപ്പണികൾ നടത്തേണ്ടി വന്നതിനാലാണ് ഈ സമയക്രമീകരണം.
അതേസമയം മറ്റ് സെക്ഷനുകളിലെ സർവീസുകളെ ഇത് ബാധിക്കില്ല. ചല്ലഘട്ട – വിജയനഗർ, എം.ജി റോഡ് – വൈറ്റ്ഫീൽഡ് (കാടുഗോഡി), മാദവാര – സിൽക്ക് ഇൻസ്റ്റിറ്റ്യൂട്ട്, ആർ.വി റോഡ് – ബൊമ്മസാന്ദ്ര എന്നീ റൂട്ടുകളിൽ അതാത് ടെർമിനൽ സ്റ്റേഷനുകളിൽ നിന്ന് പതിവുപോലെ രാവിലെ 7 മണിക്ക് തന്നെ സർവീസുകൾ ആരംഭിക്കുമെന്നും കൃത്യമായ സമയപ്പട്ടിക പാലിക്കുമെന്നും ബി.എം.ആർ.സി.എൽ (BMRCL) വ്യക്തമാക്കിയിട്ടുണ്ട്.
