ബെംഗളുരു: മുഖ്യമന്ത്രി സിദ്ധരാമയ്യയ്ക്കും ഉപമുഖ്യമന്ത്രി ഡി. കെ. ശിവകുമാറിനും മറ്റു മന്ത്രിമാര്ക്കുമെതിരെ അപകീര്ത്തി പോസ്റ്റിട്ടതിന് ബിജെപിയുടെ എക്സ് പേജിനെതിരെ പൊലീസ് കേസെടുത്തു.
ഇവര് സംസ്ഥാനത്തെ കൊള്ളയടിക്കുന്നുവെന്നും അഴിമതിയുടെ ദേവന്മാരായിരുന്നു എന്നുമായിരുന്നു പരാമര്ശം. കെപിസിസിയെ പ്രതിനിധീകരിച്ച് ഏതാനും അഭിഭാഷകരാണ് സൈബര് ക്രൈം പൊലീസില് പരാതി നല്കിയത്.
നേതാക്കളുടെ ചിത്രങ്ങള് ഉള്പ്പെടുത്തിയായിരുന്നു പോസ്റ്റിട്ടത്. ജനങ്ങള്ക്കിടയില് ബിജെപി ആശയക്കുഴപ്പമുണ്ടാക്കാനാണ് ശ്രമിക്കുന്നതെന്നും ഭരണഘടനാ പദവിയിലിരിക്കുന്ന വരെ മോശമായി ചിത്രീകരിക്കാനുള്ള ശ്രമമാണെന്നും പരാതിയില് ആരോപിച്ചു
