പഠനത്തില് മികവു പുലര്ത്തുകയും സാമ്പത്തികമായി പിന്നോക്കം നില്ക്കുകയും ചെയ്യുന്ന ന്യൂനപക്ഷ വിദ്യാര്ത്ഥികള്ക്കായി കേന്ദ്രസര്ക്കാര് വിവിധ തരത്തിലുള്ള സ്കോളര്ഷിപ്പുകള് നല്കി വരുന്നു. കേന്ദ്ര ന്യൂനപക്ഷ മന്ത്രാലയത്തിന്റെ സൈറ്റുകള്
https://www.minorityaffairs.gov.in/
വഴി സ്കോളര്ഷിപ്പിന് അപേക്ഷിക്കാം. വാര്ഷിക വരുമാനത്തിന്റെ അടിസ്ഥാനത്തിലാണ് അപേക്ഷിക്കേണ്ടത്. മന്ത്രാലയത്തിന്റെ സൈറ്റില് നിന്ന് ഇതു സംബന്ധിച്ച വിശദമായ വിവരങ്ങളും അപേക്ഷിക്കേണ്ട തീയതിയും ലഭ്യമാകും.
രാജ്യത്തെ ലക്ഷക്കണക്കിന് ന്യൂനപക്ഷ വിദ്യാര്ത്ഥികളുടെ സമഗ്രമായ വികസനമാണ് ഇത് കൊണ്ട് സര്ക്കാര് ലക്ഷ്യം വെയ്ക്കുന്നത്. ഓരോ വര്ഷവും ലക്ഷക്കണക്കിന് വിദ്യാര്ത്ഥികള്ക്കാണ് ഈ സ്കോളര്ഷിപ്പുകള് കൊണ്ട് പ്രയോജനം ലഭിക്കുന്നത്.
സ്കോളര്ഷിപ്പുകളുടെ പേരും ഓരോ ഇനത്തിലും ലഭിക്കുന്ന തുകയും അര്ഹതയ്ക്കുള്ള യോഗ്യതയും
1. ബീഗം ഹസ്രത്ത് മഹല് സ്കോളര്ഷിപ്പ് (https://popularschemes.com/begum-hazrat-mahal-scholarship-scheme) – സാമ്പത്തികമായി പിന്നോക്കം നില്ക്കുന്ന ന്യൂനപക്ഷ പെണ്കുട്ടികള്ക്ക് വിദ്യാഭ്യാസം തുടരാന് സഹായിക്കുന്നു. 9, 10, 11, 12 ക്ലാസുകളില് പഠിക്കുന്ന പെണ്കുട്ടികള്ക്ക് അപേക്ഷിക്കാം. കുടുംബത്തിന്റെ വാര്ഷിക വരുമാനം 2 ലക്ഷം കവിയരുത്.
2. നാഷണല് മീന്സ് കം മെറിറ്റ് (https://dsel.education.gov.in/en/scheme/nmmss) ന്യൂനപക്ഷ വിദ്യാര്ത്ഥികള്ക്ക് അടക്കം ഒന്പതാം ക്ലാസ് മുതല് പന്ത്രണ്ടാം ക്ലാസ് വരെ സാമ്പത്തികമായി പിന്നോക്കം നില്ക്കുന്ന വിദ്യാര്ത്ഥികള്ക്ക് പ്രതിവര്ഷം 12000 രൂപയുടെ സ്കോളര്ഷിപ്പ്.
3. പോസ്റ്റ് മട്രിക് സ്കോളര്ഷിപ്പ് (https://www.myscheme.gov.in/schemes/postsm) ബിരുദാനന്തര കോഴ്സുകളിലുള്ള പട്ടികജാതി വിദ്യാര്ത്ഥികള് അര്ഹരാണ്. വാര്ഷിക വരുമാനം 2,50,000 രൂപയില് താഴെ.
4. നയിം ഉഡാന് (https://www.minorityaffairs.gov.in/WriteReadData/RTF1984/9888852406.pdf) യൂണിയന് പബ്ലിക് സര്വീസ് കമ്മീഷന് (യുപിഎസ്സി), സ്റ്റാഫ് സെലക്ഷന് കമ്മീഷന് (എസ്എസ്സി), സ്റ്റേറ്റ് പബ്ലിക് സര്വീസ് കമ്മീഷനുകള് (പിഎസ്സി) എന്നിവ നടത്തുന്ന പ്രിലിമിനറി പരീക്ഷകള്ക്ക് കോച്ചിംഗിനുള്ള സാമ്പത്തിക പിന്തുണ
5. നയി മന്സില് (https://www.minorityaffairs.gov.in/WriteReadData/RTF1984/1671181462.pdf) സ്കൂള് പഠനം ഉപേക്ഷിച്ച യുവാക്കള്ക്ക് ഒന്പതു മുതല് പന്ത്രണ്ട് മാസം വരെ നീളുന്ന സൗജന്യ തൊഴിലധി്ഷ്ഠിത വിദ്യാഭ്യാസം .ദേശീയ ന്യൂനപക്ഷ വികസന, ധനകാര്യ കോര്പ്പറേഷന് മുന്കൈ എടുത്തു നടത്തുന്ന പദ്ധതിയില് സ്വയം തൊഴില് ചെയ്യാന് സന്നദ്ധരാകുന്ന യുവതീയുവാക്കള്ക്ക് പഠനശേഷം വായ്പ നല്കുന്നുണ്ട്. ജീവനോപാധി ഉറപ്പാക്കുകയാണ് ലക്ഷ്യം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
