Day: 14 September 2025

ബെംഗളൂരു: എവിടെയെങ്കിലും മാലിന്യം തള്ളുന്നവർക്ക് കനത്ത പിഴ ചുമത്താൻ ഗ്രേറ്റർ ബെംഗളൂരു അതോറിറ്റി ( ജിബിഎ ) തീരുമാനിച്ചു. വീടിനു മുന്നിൽ മാലിന്യം ട്രക്ക് വന്നാലും മാലിന്യം കൊടുക്കാതെ റോഡരികുകളിൽ എല്ലായിടത്തും മാലിന്യം തള്ളുന്നവർക്കെതിരെ കർശന നടപടി സ്വീകരിക്കാൻ തീരുമാനിച്ചു. ആദ്യമായി എല്ലായിടത്തും മാലിന്യം തള്ളുന്നവരിൽ നിന്ന് 500 രൂപ പിഴ ഈടാക്കും. ഒരേ തെറ്റ് ആവർത്തിച്ച് ചെയ്താൽ മാർഷലുകൾ 2,000 രൂപ വരെ പിഴ ചുമത്തും. പ്ലാസ്റ്റിക് നിരോധന വിഷയത്തിൽ കർശന നടപടി സ്വീകരിച്ചുവരികയാണ്, പ്ലാസ്റ്റിക് ഉപയോഗിക്കുന്നവരിൽ നിന്ന് 38 ലക്ഷം രൂപ…

ബെംഗളൂരു : ബൈക്ക് ടാക്സി സർവീസുകൾക്ക് വേണ്ട നിയമാവലികൾക്ക് നിർദ്ദേശം നൽകാനായി ഉന്നതതല സമിതിയെ നിയോഗിച്ച് കർണാടക സർക്കാർ. ബൈക്ക് ടാക്‌സി സർവീസുകളുടെ സാധ്യത പരിശോധിച്ച് അവ നടത്തുന്നതിനും നിയന്ത്രിക്കുന്നതിനുമുള്ള നിർദ്ദേശങ്ങളടങ്ങിയ റിപ്പോർട്ട് സമിതി സർക്കാരിന് സമർപ്പിക്കും. ഗതാഗതവകുപ്പ് സെക്രട്ടറി എൻ.വി. പ്രസാദ് അധ്യക്ഷനായ സമിതിയാണ് നിലവിൽവന്നത്. അർബൻ ആൻഡ് ലാൻഡ് ട്രാൻസ്‌പോർട്ട് കമ്മിഷണർ, ട്രാൻസ്‌പോർട്ട് ആൻഡ് റോഡ് സെയ്ഫ്റ്റി കമ്മിഷണർ, ബിഎംടിസി മാനേജിങ് ഡയറക്ടർ, ട്രാഫിക് പോലീസ് ജോയിന്റ് കമ്മിഷണർമാർ, ബിഎംആർസിഎൽ, ഗ്രേറ്റർ ബെംഗളൂരു അതോറിറ്റി, മലിനീകരണ നിയന്ത്രണബോർഡ് എന്നിവയുടെ പ്രതിനിധികൾ തുടങ്ങിയവർ…

ബെംഗളൂരു : രേണുകാസ്വാമി കൊലക്കേസിൽ ജുഡീഷ്യൽ റിമാൻഡിൽ ജയിലിൽക്കഴിയുന്ന നടൻ ദർശന്റെ ബെംഗളൂരുവിലെ വീട്ടിൽ മോഷണം. ദർശന്റെ ഭാര്യ വിജയലക്ഷ്മി താമസിക്കുന്ന ബെംഗളൂരു ഹൊസകെരെഹള്ളി പ്രസ്റ്റീജ് അപ്പാർട്ട്‌മെന്റിൽ മോഷണംനട ന്നെന്നാണ് പരാതി. കിടപ്പുമുറിയിൽ സൂക്ഷിച്ചിരുന്ന മൂന്നുലക്ഷം രൂപ കാണാതായെന്ന് വിജയലക്ഷ്മി പറഞ്ഞു. മൈസൂരുവിൽപ്പോയി തിരിച്ചുവന്നപ്പോൾ പണം കാണാനില്ലായിരുന്നെന്നാണ് പരാതി. വീട്ടിലെ ജോലിക്കാരെ ചോദ്യംചെയ്തെങ്കിലും തുമ്പൊന്നും ലഭിച്ചില്ല. അപ്പാർട്ട്‌മെന്റ് മാനേജർ നൽകിയ പരാതിയിൽ ചെന്നമ്മനകെരെ അച്ചുകാട്ടു പോലീസ് കേസെടുത്തു. ദർശന് ഹൈക്കോടതി അനുവദിച്ച ജാമ്യം സുപ്രീംകോടതി റദ്ദാക്കിയതിനെത്തുടർന്ന് വീണ്ടും പരപ്പന അഗ്രഹാര സെൻട്രൽ ജയിലിൽ പ്രവേശിപ്പിച്ചിരിക്കുകയാണ്.…

ബെംഗളൂരു : കേരളത്തിലേക്ക് രാസലഹരി എത്തിക്കുന്ന മുഖ്യകണ്ണിയെ ബെംഗളൂരുവിൽനിന്ന് തടിയിട്ടപറമ്പ് പോലീസ് പിടികൂടി. തൃക്കാക്കര പൈപ്പ്‌ലൈൻ റോഡിൽ വടക്കപ്പറമ്പിൽ താമസിക്കുന്ന ഹസനുൽ ബന്ന (24)യാണ് പിടിയിലായത്. ഇയാൾ ബെംഗളൂരുവിൽ ഒളിച്ചു താമസിച്ചിരുന്ന ഫ്ളാറ്റിന് സമീപത്തുവെച്ചാണ് പിടികൂടിയത്. മൂന്നുമാസം മുൻപ് വാഴക്കുളം സ്വദേശി മുഹമ്മദ് അസ്‌ലമിനെ 46 ഗ്രാം എംഡിഎംഎ യുമായി തടിയിട്ടപറമ്പ് പോലീസ് അറസ്റ്റ് ചെയ്തിരുന്നു. ഇയാൾക്ക് രാസലഹരി ലഭിക്കുന്നതിന്റെ ഉറവിടം തേടിയുള്ള അന്വേഷണത്തിനിടയിലാണ് ഹസനുൽ ബന്ന പിടിയിലാകുന്നത്. ആഫ്രിക്കൻ സ്വദേശിയിൽനിന്ന് മൊത്തമായി വാങ്ങുന്ന രാസലഹരി ബെംഗളൂരുവിൽ കൊണ്ടുവന്ന് കേരളത്തിലെ ആവശ്യക്കാർക്ക് എത്തിച്ചു നൽകുകയാണ്…

ബെംഗളൂരു : ബെംഗളൂരുവിലെ നടക്കാൻ കഴിയാത്ത നടപ്പാതകളെക്കുറിച്ചുള്ള വൈറലായ വീഡിയോ കാനഡക്കാരനായ കാലേബ് ഫ്രീസെൻ പങ്കിട്ടതിന് ദിവസങ്ങൾക്ക് ശേഷം, ഗ്രേറ്റർ ബെംഗളൂരു അതോറിറ്റി (ജിബിഎ) വേഗത്തിൽ നടപടി സ്വീകരിച്ചു. മജസ്റ്റിക്കിന് ചുറ്റുമുള്ള നടപ്പാതകൾ വൃത്തിയാക്കിയതായും നഗരവാസികൾക്ക് സുരക്ഷിതമായ സഞ്ചാരത്തിനുള്ള ക്രമീകരണങ്ങൾ ഏർപ്പെടുത്തിയതായും ജിബിഎ അറിയിച്ചു. സെപ്റ്റംബർ 11 ന്, കാലേബ് ഫ്രീസെൻ മജസ്റ്റിക് ബസ് സ്റ്റോപ്പിൽ നിന്ന് സ്റ്റാർബക്സിലേക്ക് 2.4 കിലോമീറ്റർ നടക്കുന്നതിന്റെ ഒരു വീഡിയോ X-ൽ പോസ്റ്റ് ചെയ്തു. തുറന്നിട്ട അഴുക്കുചാലുകൾ, മുള്ളുവേലികൾ, വെള്ളക്കെട്ടുകൾ എന്നിവ കാരണം ആളുകൾക്ക് സുരക്ഷിതമായി നടക്കാൻ ബുദ്ധിമുട്ടായിരുന്നു.…