ബെംഗളൂരു: സ്കൂളുകൾ വീണ്ടും തുറക്കാനും കാലവർഷം ആരംഭിക്കാനും ഒരു മാസം മാത്രം ബാക്കി. ദക്ഷിണ കന്നഡ, ഉഡുപ്പി ജില്ലകളിലെ സർക്കാർ സ്കൂളുകളിലെ 1,550-ലധികം ക്ലാസ് മുറികൾ ഇപ്പോഴും അറ്റകുറ്റപ്പണികൾക്കായി കാത്തിരിക്കുന്നു,
സംസ്ഥാന വിദ്യാഭ്യാസ വകുപ്പിന്റെ കണക്കനുസരിച്ച്, കർണാടകയിലുടനീളമുള്ള സർക്കാർ സ്കൂളുകളിലെ 21,255 ക്ലാസ് മുറികൾക്ക് വലിയ അറ്റകുറ്റപ്പണികൾ ആവശ്യമാണ്.
ഇതിൽ 1,323 എണ്ണം ദക്ഷിണ കന്നഡയിലും 274 എണ്ണം ഉഡുപ്പിയിലുമാണ്. മാസങ്ങൾക്ക് മുമ്പ് സംസ്ഥാന സർക്കാരിന് വിശദമായ നിർദ്ദേശം സമർപ്പിച്ചിട്ടും, അറ്റകുറ്റപ്പണികൾക്കുള്ള പൂർണ്ണ ധനസഹായം ഇതുവരെ അനുവദിച്ചിട്ടില്ലന്നാണ് ആരോപണം.
ദക്ഷിണ കന്നഡ ജില്ലയിൽ 893 പ്രൈമറി സ്കൂളുകളും 170 ഹൈസ്കൂളുകളും ഉഡുപ്പിയിൽ 570 പ്രൈമറി സ്കൂളുകളും 105 ഹൈസ്കൂളുകളുമുണ്ട്.
