ബംഗളുരു : നഗരത്തിലെ റോഡിലുണ്ടായ വഴക്കിനിടെ ഒരാളെ ഒരു സംഘം ആളുകൾ വസ്ത്രം ഉരിഞ്ഞ് മർദിച്ചു.
സോഷ്യൽ മീഡിയയിൽ വൈറലായ വീഡിയോ പൊതുജന രോഷത്തിന് ഇടയാക്കുകയും ഇത്തരം പതിവ് സംഭവങ്ങളിൽ ആശങ്ക ഉയർത്തുകയും ചെയ്തു.
വൈറലായ വീഡിയോയിൽ, ഒരു പുരുഷനും മറ്റൊരു സംഘവും തമ്മിൽ വാക്കേറ്റം ഉണ്ടായത് വൻ സംഘർഷത്തിലേക്ക് നയിക്കുന്നത് കാണാം.
ജനക്കൂട്ടം പിന്നീട് യുവാവിനെ ആക്രമിക്കുകയും റോഡിൽ വസ്ത്രങ്ങൾ അഴിച്ചുമാറ്റുകയും ചെയ്തു.
നോർത്ത് ബംഗളൂരുവിലെ താന്നിസാന്ദ്ര മെയിൻ റോഡിന് സമീപമാണ് സംഭവം നടന്നത്, ഇത് രൂക്ഷമായ തിരക്ക് അഭിമുഖീകരിക്കുന്ന റോഡിൽ വലിയ ഗതാഗതക്കുരുക്കിന് കാരണമായി.
കർണാടക പോർട്ട്ഫോളിയോ എന്ന ഒരു എക്സ് ഹാൻഡിലൂടെയാണ് വിഡിയോ ഷെയർ ചെയ്തിട്ടുള്ളത്, “ഹജ് ഭവന് സമീപമുള്ള തനിസാന്ദ്ര മെയിൻ റോഡിൽ നടന്ന അക്രമം എന്നും,
അവിടെ ഒരു കൂട്ടം വ്യക്തികൾ ഒരു പുരുഷൻ്റെ വസ്ത്രം ബലമായി നീക്കം ചെയ്യുകയും കഠിനമായ ശാരീരിക ആക്രമണത്തിന് വിധേയനാക്കുകയും ചെയ്തു.
ഈ വ്യക്തികൾ ഇരയെ തല്ലുകയും ക്രൂരമായി മർദ്ദിക്കുകയും ചെയ്തു. ഇരയുടെ അന്തസ്സും സുരക്ഷയും ലംഘിച്ചുകൊണ്ട് ഇത്തരമൊരു അക്രമാസക്തവും അപമാനകരവുമായ ഒരു പ്രവൃത്തി പൊതുസ്ഥലത്ത് നടന്നുവെന്നത് വളരെ ആശങ്കാജനകമാണ് എന്നും പോസ്റ്റിൽ കുറിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
