ബെംഗളൂരു: വാഹന പരിശോധനക്കിടെ മുത്തങ്ങ എക്സൈസ് ചെക്പോസ്റ്റില് വന് കഞ്ചാവ് വേട്ട.
മലപ്പുറം കുറ്റിപ്പുറം നടുവട്ടം മുത്താണിക്കാട് വീട് മുഹമ്മദ് ഹാരിസ് (34) ആണ് പിടിയിലായത്.
ഇയാളില് നിന്ന് 16 കിലോ കഞ്ചാവാണ് കണ്ടെടുത്തത്.
ടൂറിസ്റ്റ് ബസില് ഒഡീഷയില് നിന്ന് ബംഗളൂരു വഴി കേരളത്തിലേക്ക് കടത്തുന്നതിനിടെയാണ് ഇയാള് പിടിയിലായത്.
ബസില് യാത്ര ചെയ്യുകയായിരുന്ന ഇയാളെ പരിശോധനക്കിടെയാണ് എക്സൈസ് അധികൃതര് പിടികൂടിയത്.
ബസിന്റെ ലെഗേജ് ബോക്സില് സ്യൂട്ട്കേസിലും ബാഗിലുമായി സൂക്ഷിച്ച നിലയിലാരുന്നു കഞ്ചാവ്.
തുടര് നടപടികള്ക്കായി സുല്ത്താന് ബത്തേരി എക്സൈസ് റേയ്ഞ്ചിന് കൈമാറി.
സി ഐ ആര് പ്രശാന്ത്, പ്രിവന്റീവ് ഓഫീസര്മാരായ അബ്ദുള് സലാം, പി വി രജിത്, സിവില് എക്സൈസ് ഓഫീസര്മാരായ സജിത്ത്, സുധീഷ് എന്നിവരടങ്ങിയ സംഘമാണ് വാഹന പരിശോധ നടത്തിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
