തിരുവനന്തപുരം: സംസ്ഥാനത്ത് ഇന്ന് ഏപ്രിൽ 15, തിങ്കൾ പൊതുവെ വരണ്ട കാലാവസ്ഥയായിരിക്കുമെന്ന് കേന്ദ്ര കാലാവസ്ഥാ വകുപ്പ്.
തിരുവനന്തപുരം ജില്ലയിൽ ചാറ്റൽ മഴയ്ക്ക് സാധ്യതയുണ്ട്. ആലപ്പുഴയിലും എറണാകുളത്തും തൃശ്ശൂരിലും ചാറ്റൽമഴ ലഭിക്കും. മറ്റിടങ്ങളിലൊന്നും മഴസാധ്യതയില്ല.
സംസ്ഥാനത്ത് ബുധനാഴ്ചയും വ്യാഴാഴ്ചയും ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് വ്യക്തമാക്കി.
ബുധനാഴ്ച വരെ വിവിധയിടങ്ങളില് നേരിയ മഴ ലഭിക്കും. എന്നാല് വ്യാഴാഴ്ച മുതല് പരക്കെ ശക്തമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
ബുധനാഴ്ച വരെ തൃശൂർ, പാലക്കാട് ജില്ലകളിൽ ചൂട് കൂടുമെന്നാണ് കാലാവസ്ഥാ റിപ്പോർട്ട്. 14 മുതൽ 17 വരെ ഉയർന്ന താപനില 39°C വരെ ഉയരുമെന്ന് മുന്നറിയിപ്പുണ്ട്.
ഏറ്റവും ഉയർന്ന താപനില പ്രതീക്ഷിക്കുന്നത് ഇവിടങ്ങളിലാണ്. കൊല്ലം, കോഴിക്കോട്, കണ്ണൂർ ജില്ലകളിലും ചൂട് കൂടും.
താപനില 38°C വരെ ഉയരാനിടയുണ്ട്. പത്തനംതിട്ട, കാസറഗോഡ് ജില്ലകളിൽ 37°C വരെ ചൂട് ഉയർന്നേക്കും.
ആലപ്പുഴ, കോട്ടയം, എറണാകുളം, മലപ്പുറം ജില്ലകളിൽ ഉയർന്ന താപനില 36°C വരെയും (സാധാരണയെക്കാൾ 2 – 4 °C കൂടുതൽ) ഉയരാൻ സാധ്യതയെന്ന് കേന്ദ്ര കാലാവസ്ഥാ വകുപ്പ് പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
