ബെംഗളൂരു : സാങ്കേതികത്തകരാർ ശ്രദ്ധയിൽപ്പെട്ടതിനെത്തുടർന്ന് ലഖ്നൗവിലേക്ക് പുറപ്പെട്ട എയർ ഏഷ്യവിമാനം ബെംഗളൂരു വിമാനത്താവളത്തിൽ അടിയന്തരമായി തിരിച്ചിറക്കി. ശനിയാഴ്ച രാവിലെ 6.45-ന് പറന്നുയർന്ന ഐ5 2472 നമ്പർ വിമാനമാണ് 10 മിനിറ്റിനുള്ളിൽ വിമാനത്താവളത്തിൽ തിരിച്ചിറക്കിയത്. ഒമ്പതുമണിക്ക് ലഖ്നൗവിൽ എത്തേണ്ടിയിരുന്ന വിമാനമാണിത്.അതേസമയം, നേരിയ സാങ്കേതികത്തകരാറാണ് വിമാനത്തിനുണ്ടായിരുന്നതെന്നും പകരം വിമാനം ഏർപ്പെടുത്തിയതായുംവിമാനക്കമ്പനി അധികൃതർ അറിയിച്ചു.
പറന്നുയർന്ന് മിനിറ്റുകൾ പിന്നിടുന്നതിനിടെ സാങ്കേതികത്തകരാർ തിരിച്ചറിഞ്ഞ പൈലറ്റ് ബെംഗളൂരു വിമാനത്താവളത്തിലേക്കു തന്നെ വിമാനം തിരിച്ചുവിടുകയായിരുന്നു. ഇതിനിടെ, വിമാനത്താവളത്തിൽ അടിയന്തരമായി ഇറക്കാനുള്ള സൗകര്യമൊരുക്കി. 6.55-ഓടെയായിരുന്നു ഇറങ്ങിയത്. വിമാനത്തിന് ഏതുതരത്തിലുള്ള തകരാറാണ് ഉണ്ടായതെന്നോ എത്ര യാത്രക്കാർ ഉണ്ടായിരുന്നെന്നോ ഉള്ള വിവരങ്ങൾ അധികൃതർ പുറത്തുവിട്ടിട്ടില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
