Day: 22 November 2020

ബെംഗളൂരു : കലാകാരൻമാർക്ക് ഇടനിലക്കാരില്ലാതെ നേരിട്ട് ചിത്രങ്ങളും ശിൽപ്പങ്ങളും ആസ്വാദകരിലേക്കെത്തിക്കാനും വിറ്റഴിക്കാനും അവസരം നൽകുന്ന ബെംഗളൂരു ചിത്ര സന്തേ ഈ വർഷം ഓൺലൈനിൽ. മുമ്പ് ചിത്രകലാ പരിഷത്തിൻ്റെ ആസ്ഥാന മന്ദിരത്തിന് സമീപം പാതയോരത്ത് 2 കിലോമീറ്ററോളം ദൂരത്ത് നടന്നിരുന്ന ഈ പരിപാടി കോവിഡിൻ്റെ പശ്ചാത്തലത്തിൽ ആണ് ഓൺലൈൻ ആക്കുന്നത്. ജനുവരി 3 ന് ആണ് പരിപാടി. പങ്കെടുക്കാൻ ആഗ്രഹിക്കുന്നവർക്ക് ഈ മാസം 30 ന് ഉള്ളിൽ അപേക്ഷ സമർപ്പിക്കണം. 1500 പേർക്ക് മാത്രമാണ് അവസരം. റെജിസ്ട്രേഷൻ https://www.karnatakachitrakalaparishath.com/chitra-santhe എന്ന വിലാസത്തിൽ.   http://88t.8a2.myftpupload.com/archives/25656 http://88t.8a2.myftpupload.com/archives/10166 http://88t.8a2.myftpupload.com/archives/8808…

ബെംഗളൂരു: ദളിത്- പിന്നാക്ക വിഭാഗത്തിൽപ്പെട്ടവർ ബാർബർഷോപ്പുകളിൽ  വിവേചനം നേരിടുന്നസംഭവങ്ങൾ വർധിക്കുന്നതോടെ സർക്കാർ ഉടമസ്ഥതയിൽ ബാർബർഷോപ്പുകൾ തുടങ്ങാൻ ആലോചന. സംസ്ഥാനത്തെ ഗ്രാമീണമേഖലകളിൽ അക്രമ സംഭവങ്ങൾ കൂടുന്ന സാഹചര്യത്തിൽ സാമൂഹികക്ഷേമവകുപ്പാണ് ഇതുസംബന്ധിച്ച നിർദേശം മുന്നോട്ടുവെച്ചത്. കൂടുതൽ ചർച്ചകൾക്ക് ശേഷമായിരിക്കും ഇതുസംബന്ധിച്ച അന്തിമതീരുമാനം ഉണ്ടാവുക. കഴിഞ്ഞദിവസം നഞ്ചൻകോട് ഹല്ലര ഗ്രാമത്തിലെ ബാർബർ പിന്നാക്കവിഭാഗങ്ങളുടെ മുടിമുറിച്ചതുകൊണ്ട് സവർണവിഭാഗങ്ങളുടെ ഭീഷണിയും സാമൂഹിക ബഹിഷ്കരണവും നേരിടുന്നതായി തഹസിൽദാർക്ക് പരാതി നൽകിയിരുന്നു. ഈ സംഭവം ദേശീയതലത്തിലടക്കം ശ്രദ്ധിക്കപ്പെട്ടു. ബുധാനാഴ്ച ബാഗൽകോട്ടിലെ ഒരു ബാർബർഷോപ്പിൽ പിന്നാക്കവിഭാഗങ്ങളുടെ മുടിമുറിക്കാൻ വിസമ്മതിച്ചതായും വാർത്തകൾ പുറത്തുവന്നിരുന്നു. ഇത്തരം വിവേചനങ്ങൾ അവസാനിപ്പിക്കാൻ സർക്കാർ…

ബെംഗളൂരു: കന്നഡ അനുകൂല സംഘടനകൾ ഡിസംബർ അഞ്ചിനാണ് കർണാടക ബന്ദിന് ആഹ്വാനം ചെയ്തിരിക്കുന്നത്. മറാഠാ വികസന ബോർഡ് രൂപവത്കരിച്ചതിന്റെപേരിൽ സംസ്ഥാനത്ത് ബന്ദ് അടിച്ചേൽപ്പിക്കാൻ ശ്രമിച്ചാൽ ശക്തമായ നടപടി സ്വീകരിക്കുമെന്ന് മുഖ്യമന്ത്രി ബി.എസ്. യെദ്യൂരപ്പ മുന്നറിയിപ്പ് നൽകി. ബന്ദിന്റെ പേരിൽ ബലംപ്രയോഗിച്ച് വാഹനങ്ങൾ തടയുകയും കടകൾ അടപ്പിക്കുകയും ചെയ്താൽ ശക്തമായ നടപടി സ്വീകരിക്കുമെന്ന് അദ്ദേഹം വെളിപ്പെടുത്തി. മറാഠാ വികസന ബോർഡ് രൂപവത്കരിക്കാനുള്ള തീരുമാനം ഡിസംബർ അഞ്ചിനകം പിൻവലിക്കണമെന്നാണ് കന്നഡ സംഘടനകൾ ആവശ്യപ്പെട്ടത്. ഓട്ടോ, ടാക്സി യൂണിയനുകളും ബാർ ഓണേഴസ് അസോസിയേഷനും ബന്ദിന് പിന്തുണ പ്രഖ്യാപിച്ചിട്ടുണ്ട്. മറാഠാ വികസന ബോർഡിന് സർക്കാർ 50…

ബെംഗളൂരു: മറാഠാ ബോർഡ് രൂപീകരണം; തീരുമാനം മാറ്റിയില്ലെങ്കിൽ ബന്ദുമായി മുന്നോട്ടെന്ന് കന്നഡ സംഘടനകൾ. മറാഠാ വികസന ബോർഡ് രൂപവത്കരിക്കാനുള്ള തീരുമാനത്തിൽനിന്ന് സർക്കാർ പിന്മാറണമെന്നാണ് കന്നഡ സംഘടനകൾ ആവശ്യപ്പെടുന്നത്. രണ്ടാഴ്ചയ്ക്കുള്ളിൽ തീരുമാനം പുനഃപരിശോധിച്ചില്ലെങ്കിൽ ബന്ദുമായി മുന്നോട്ടുപോകുമെന്ന് കന്നഡ സംഘടനാ നേതാവ് വട്ടാൾ നാഗരാജ് പറഞ്ഞു. കന്നഡവിരുദ്ധ സമീപനം സ്വീകരിക്കുന്ന മുഖ്യമന്ത്രി ബി.എസ്. യെദ്യൂരപ്പ രാജിവെക്കണമെന്നും അദ്ദേഹം ആവശ്യപ്പെട്ടു. മഹാരാഷ്ട്ര അതിർത്തി ജില്ലയായ ബീദറിലെ ബസവ കല്യാൺ മണ്ഡലത്തിൽ ഉപതിരഞ്ഞെടുപ്പ് നടക്കുന്ന സാഹചര്യത്തിലാണ് മറാഠാ വികസന ബോർഡ് പ്രഖ്യാപനമെന്നാണ് പൊതുവെ വിലയിരുത്തുന്നത്.