ബെംഗളൂരു: ബി.ജെ.പി.യുടെ തിരഞ്ഞെടുപ്പ് വിജയമാഘോഷിക്കാൻ ദളിത് മേഖലയിൽ മുന്നാക്കവിഭാഗത്തിന്റ പടക്കം പൊട്ടിക്കലിൽ തുടങ്ങിയ ജാതിസംഘർഷത്തിൽ 15 പേർക്ക് പരിക്ക്. ഞായറാഴ്ച വൈകീട്ട് കലബുറഗി നഗരഹള്ളി ഗ്രാമത്തിലാണ് സംഭവം നടന്നത്.
ലോക്സഭാ തിരഞ്ഞെടുപ്പിൽ ബി.ജെ.പി. ജയിച്ചപ്പോൾ മുന്നാക്കവിഭാഗത്തിലെ ചിലർ നഗരഹള്ളിയിലെ ദളിത് മേഖലയിൽ പടക്കംപൊട്ടിച്ചതാണ് സംഘർഷത്തിന് വഴിവെച്ചത്. പടക്കംപൊട്ടിക്കുന്നത് പ്രദേശവാസികൾ തടഞ്ഞിരുന്നു. പിന്നീട് ഞായറാഴ്ച ദളിത് വിവാഹത്തിന്റെ റാലിക്കിടെ മുന്നാക്കവിഭാഗക്കാർ താമസിക്കുന്ന സ്ഥലത്ത് പടക്കംപൊട്ടിക്കാൻ ശ്രമിച്ചപ്പോൾ എതിർത്തത് സംഘർഷത്തിൽ കലാശിക്കുകയായിരുന്നു.
വിവാഹറാലിക്കിടയിലേക്ക് കല്ലേറുണ്ടാവുകയും 15 പേർക്ക് പരിക്കേൽക്കുകയുമായിരുന്നുവെന്ന് പോലീസ് പറഞ്ഞു. കലബുറഗി എസ്.പി. അയഡ മാർട്ടിൻ സംഭവസ്ഥലം സന്ദർശിച്ച് സുരക്ഷയൊരുക്കി. 10 പേരുടെ പരിക്ക് ഗുരുതരമാണെന്ന് പോലീസ് പറഞ്ഞു. സംഭവത്തിൽ കലബുറഗി ദളിത് സേന പ്രധിഷേധ സമരം നടത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
