അനധികൃതമായി താമസിച്ച ബംഗ്ലാദേശി പോൺ താരം റിയ ബർദെ അറസ്റ്റിൽ; കുടുംബാംഗങ്ങൾക്കായി തിരച്ചി ആരംഭിച്ച് പോലീസ്

വ്യാജ രേഖകൾ ഉപയോഗിച്ച് ഇന്ത്യൻ പാസ്‌പോർട്ട് നേടിയെന്നാരോപിച്ച് ആരോഹി ബർദെ, ബന്ന ഷെയ്ഖ് എന്നീ അപരനാമങ്ങളിൽ അറിയപ്പെടുന്ന ബംഗ്ലാദേശി പോൺ സ്റ്റാർ റിയ ബർദെയെ മഹാരാഷ്ട്രയിൽ നിന്നും പോലീസ് അറസ്റ്റ് ചെയ്തു.

ഇന്ത്യയിൽ അനധികൃതമായി താമസിക്കുന്നുവെന്നും ഇതിനായി വ്യാജരേഖകൾ ചമച്ചുവെന്നുമാണ് റിയയ്ക്ക് എതിരെയുള്ള കുറ്റങ്ങൾ.

റിയ ബംഗ്ലാദേശി പൗരത്വമുള്ളയാളാണെന്നും വ്യാജരേഖകളുടെ അടിസ്ഥാനത്തിലാണ് റിയ കുടുംബത്തോടൊപ്പം ഇന്ത്യയിൽ താമസിച്ചിരുന്നതെന്നും മാധ്യമങ്ങൾ റിപ്പോർട്ട് ചെയ്യുന്നു.

ഈ കേസിൽ ഇവരുടെ കുടുംബത്തിലെ മറ്റ് അംഗങ്ങളെക്കുറിച്ചും പോലീസ് അന്വേഷിക്കുന്നുണ്ട്.

മഹാരാഷ്ട്രയിലെ താനെ ജില്ലയിലെ ഉല്ലാസ് നഗർ മേഖലയിൽ നിന്നാണ് റിയയെ പോലീസ് അറസ്റ്റ് ചെയ്തത്.

ഇന്ത്യൻ ശിക്ഷാ നിയമത്തിലെ (ഐപിസി) സെക്ഷൻ 420 (വഞ്ചന), 465 (വ്യാജരേഖ ചമയ്ക്കൽ), 468 (വഞ്ചനയ്ക്ക് വ്യാജരേഖ ചമയ്ക്കൽ), 479 (വസ്തു അടയാളപ്പെടുത്തൽ), 34 (നടപടി ചെയ്‌തത്) തുടങ്ങി വിവിധ വകുപ്പുകൾ പ്രകാരമാണ് പോലീസ് ഇവർക്കെതിരെ കേസെടുത്തിരിക്കുന്നത്.

ഇതിനുപുറമെ, ഫോറിനേഴ്‌സ് ആക്ടിലെ സെക്ഷൻ 14 എ പ്രകാരവും റിയയ്‌ക്കെതിരെ കേസെടുത്തിട്ടുണ്ട്.

റിയ ബർദെയുടെ അമ്മ, ബംഗ്ലാദേശ് സ്വദേശിയും കൂടിയായ റൂബി ഷെയ്ഖ്, അമരാവതി സ്വദേശിയായ അരവിന്ദ് ബാർഡെയെ വിവാഹം കഴിച്ചു.

റൂബി ഷെയ്ഖ് പിന്നീട് പേര് അഞ്ജലി എന്നാക്കി മാറ്റി, കുടുംബത്തോടെ ഇന്ത്യയിൽ അനധികൃതമായി താമസിക്കാൻ തുടങ്ങിയെന്നും പോലീസ് പറയുന്നു.

മാധ്യമ റിപ്പോർട്ടുകൾ പ്രകാരം റിയ ബർദെയുടെ മാതാപിതാക്കൾ ഇപ്പോൾ ഖത്തറിലാണ് താമസിക്കുന്നത്. ഇവരുടെ സഹോദരി മോനി ഷെയ്ഖ് എന്ന റിതു, സഹോദരൻ റിയാസ് ഷെയ്ഖ് എന്നിവർക്കായി പോലീസ് തിരച്ചിൽ ആരംഭിച്ചിട്ടുണ്ട്.

റിയ ബർദെ പ്രശസ്ത ബോളിവുഡ് നടി ശിൽപ ഷെട്ടിയുടെ ഭർത്താവും നിർമ്മാതാവുമായ രാജ് കുന്ദ്രയുടെ പ്രൊഡക്ഷൻ കമ്പനിയിൽ ജോലി ചെയ്തിരുന്നതായും റിപ്പോർട്ടുണ്ട്.

ഇത് കൂടാതെ മറ്റ് നിരവധി സിനിമകളിലും അവർ പ്രത്യക്ഷപ്പെട്ടിട്ടുണ്ട്. അസന്മാർഗ്ഗിക ട്രാഫിക് (പ്രിവൻഷൻ) ആക്ട് പ്രകാരം വേശ്യാവൃത്തിയുമായി ബന്ധപ്പെട്ട കേസിൽ റിയ ബർദയെ മുമ്പ് മുംബൈ പോലീസ് അറസ്റ്റ് ചെയ്തിട്ടുണ്ടെന്നും റിപ്പോർട്ടിൽ പറയുന്നു.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.