ബെംഗളൂരു: നഗരത്തിലെ റോഡരികുകളിൽ മാലിന്യം കുന്നുകൂടുന്ന ‘ബ്ലാക്ക് സ്പോട്ടുകൾ’ ഇല്ലാതാക്കാൻ നൂതനമായ വെബ് ആപ്പുമായി മലയാളി പ്രൊഡക്റ്റ് ഡിസൈനർ ജ്യോതിഷ് വി.എം. ‘നമ്മകസ’ (NammaKasa) എന്ന് പേരിട്ടിരിക്കുന്ന ഈ പ്ലാറ്റ്ഫോം ഏപ്രിൽ 8-നാണ് പ്രവർത്തനമാരംഭിച്ചത്. ലോഗിൻ ചെയ്യേണ്ടതില്ലാത്തതും വ്യക്തിഗത വിവരങ്ങൾ നൽകാതെ തന്നെ പരാതിപ്പെടാമെന്നതുമാണ് ഈ ആപ്പിന്റെ പ്രധാന പ്രത്യേകത.
വെറും 30 സെക്കൻഡിനുള്ളിൽ മാലിന്യക്കൂമ്പാരങ്ങളുടെ ചിത്രം അപ്ലോഡ് ചെയ്യാനും ലൊക്കേഷൻ അടയാളപ്പെടുത്താനും ഉപയോക്താക്കൾക്ക് സാധിക്കും. ആവർത്തിച്ചുണ്ടാകുന്ന മാലിന്യപ്രശ്നങ്ങൾ നിരീക്ഷിക്കാനും അധികൃതരുടെ ശ്രദ്ധയിൽപ്പെടുത്താനുമാണ് ഈ സംവിധാനം ലക്ഷ്യമിടുന്നത്. നിലവിൽ ബ്രുഹത് ബംഗളൂരു മഹാനഗര പാലികെയിലെ (BBMP) എൻഫോഴ്സ്മെന്റ് വിഭാഗമായ ബെംഗളൂരു സോളിഡ് വേസ്റ്റ് മാനേജ്മെന്റ് ലിമിറ്റഡ് (BSWML) ആപ്പിലെ പരാതികൾ ഗൗരവകരമായി എടുക്കുന്നുണ്ട്.
മഹാദേവപുര വാർഡിലുൾപ്പെടെ ആപ്പിലൂടെ ലഭിച്ച പരാതികളിൽ ഉടനടി നടപടി സ്വീകരിക്കുകയും മാലിന്യം നീക്കം ചെയ്ത ശേഷം ശുചീകരിച്ച സ്ഥലത്തിന്റെ ചിത്രം മാർഷലുകൾ തിരികെ പോസ്റ്റ് ചെയ്യുകയും ചെയ്യുന്നുണ്ട്. മാലിന്യപ്രശ്നം റിപ്പോർട്ട് ചെയ്യുന്നതും പരിഹരിക്കപ്പെടുന്നതും തമ്മിലുള്ള വിടവ് നികത്താൻ ഈ ആപ്പിലൂടെ സാധിക്കുമെന്ന് 31-കാരനായ ജ്യോതിഷ് പ്രത്യാശ പ്രകടിപ്പിച്ചു. നഗരവാസികൾക്ക് nammakasa.in എന്ന വെബ്സൈറ്റിലൂടെ പരാതികൾ അറിയിക്കാം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
