നിങ്ങളുടെ വൈദ്യുതി ബില്ലിൽ ‘എംഡി പെനാൽറ്റി’ ഉണ്ടോ? കണ്ട് ഞെട്ടേണ്ട; കാരണവും പരിഹാരവും ഇതാ

ബെംഗളൂരു: വൈദ്യുതി ബില്ലുകളിൽ അപ്രതീക്ഷിതമായി വരുന്ന ‘MD പെനാൽറ്റി’ (Maximum Demand Penalty) എന്താണെന്നും അത് എങ്ങനെ ഒഴിവാക്കാമെന്നും വിശദീകരിക്കുന്ന വീഡിയോ സോഷ്യൽ മീഡിയയിൽ ശ്രദ്ധേയമാകുന്നു. ‘കർണാടക പോർട്ട്‌ഫോളിയോ’ എന്ന എക്സ് (X) അക്കൗണ്ടിൽ പങ്കുവെച്ച വീഡിയോയിലൂടെയാണ് ഒരു യുവതി ഈ പിഴയെക്കുറിച്ച് ഉപഭോക്താക്കൾക്ക് അറിവ് നൽകുന്നത്.

എന്താണ് MD പെനാൽറ്റി?
ഓരോ വീടിനും കണക്ഷൻ നൽകുമ്പോൾ നിശ്ചിത കിലോവാട്ട് (kW) വൈദ്യുതി ഉപയോഗിക്കാനാണ് അനുമതി നൽകുന്നത്. ഇതിനെ ‘സാങ്ക്ഷൻഡ് ലോഡ്’ (Sanctioned Load) എന്ന് വിളിക്കുന്നു. ഒരു ഉപഭോക്താവ് ഒരേസമയം ഉപയോഗിക്കുന്ന വൈദ്യുതിയുടെ അളവ് ഈ പരിധിക്ക് മുകളിൽ പോകുമ്പോഴാണ് വൈദ്യുതി വിതരണ കമ്പനികൾ (BESCOM ഉൾപ്പെടെയുള്ളവ) ‘മാക്സിമം ഡിമാൻഡ് പെനാൽറ്റി’ ഈടാക്കുന്നത്.

വിവാഹം ഒരു 'ബിസിനസ്'; ബെംഗളൂരു എൻജിനീയറുടെ ചതിക്കുഴിയിൽ വീണത് നിരവധി സ്ത്രീകൾ; ഒടുവിൽ വലയിൽ

പിഴ ചുമത്തപ്പെടുന്നത് എങ്ങനെ?
ഉയർന്ന പവർ ഉപയോഗിക്കുന്ന ഉപകരണങ്ങൾ ഒരേസമയം പ്രവർത്തിപ്പിക്കുമ്പോഴാണ് പലപ്പോഴും ഈ പരിധി ലംഘിക്കപ്പെടുന്നത്. ഒരു വീടിന്റെ പരിധി 1kW ആണെന്നിരിക്കട്ടെ. ഒരേസമയം ഗീസർ, വാഷിംഗ് മെഷീൻ, എയർ കണ്ടീഷണർ എന്നിവ പ്രവർത്തിപ്പിക്കുമ്പോൾ ലോഡ് 1.006kW ആയി ഉയർന്നാൽ പോലും പിഴ ഈടാക്കും.

വീഡിയോയിൽ കാണിക്കുന്നത് പ്രകാരം, ലോഡ് പരിധി ലംഘിക്കാത്തപ്പോൾ 604 രൂപയായിരുന്ന ബിൽ തുക, പരിധി കവിഞ്ഞപ്പോൾ പെനാൽറ്റി സഹിതം 1003.24 രൂപയായി ഉയർന്നു.

പിഴ എങ്ങനെ ഒഴിവാക്കാം?
വൈദ്യുതി ബില്ലിലെ ഈ അധിക ബാധ്യത ഒഴിവാക്കാൻ താഴെ പറയുന്ന കാര്യങ്ങൾ ശ്രദ്ധിക്കണമെന്ന് വീഡിയോയിൽ നിർദ്ദേശിക്കുന്നു:

താങ്ങാനാവാത്ത കടബാധ്യത! ആദ്യ ദിവസം തന്നെ മുഖ്യമന്ത്രി വിജയ്;

ഗീസർ, വാഷിംഗ് മെഷീൻ, ഇൻഡക്ഷൻ സ്റ്റൗ തുടങ്ങിയ ഉയർന്ന പവർ ആവശ്യമുള്ള ഉപകരണങ്ങൾ ഒരേസമയം ഓണാക്കാതിരിക്കാൻ ശ്രദ്ധിക്കുക. വീട്ടിൽ കൂടുതൽ വൈദ്യുതി ഉപകരണങ്ങൾ ഉണ്ടെങ്കിൽ, നിലവിലെ 1kW പരിധി വർദ്ധിപ്പിക്കാനായി അപേക്ഷ നൽകുക. ആവശ്യത്തിന് അനുസരിച്ചുള്ള ലോഡ് മുൻകൂട്ടി നിശ്ചയിക്കുന്നത് പെനാൽറ്റി ഒഴിവാക്കാൻ സഹായിക്കും.

വൈദ്യുതി ബില്ല് ശ്രദ്ധാപൂർവ്വം പരിശോധിക്കണമെന്നും, അതിൽ ലോഡ് പരിധി കവിഞ്ഞതായി അടയാളപ്പെടുത്തിയിട്ടുണ്ടോ എന്ന് നോക്കി തിരുത്തൽ നടപടികൾ സ്വീകരിക്കണമെന്നും വീഡിയോ സന്ദേശം ഓർമ്മിപ്പിക്കുന്നു.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.

പശ്ചിമേഷ്യ വീണ്ടും യുദ്ധമുനമ്പിലേക്ക്; ഇസ്രയേലിന് നേരെ ഇറാന്റെ മിസൈൽ വർഷം, തിരിച്ചടിച്ച് അയൺ ഡോം!

If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]