ബെംഗളൂരു : എത്രയുംവേഗം മലബാറിലേക്കും പ്രത്യേകതീവണ്ടി വേണമെന്ന ആവശ്യം ശക്തമായിരിക്കുകയാണ്.
ഓണക്കാലയാത്രത്തിരക്ക് പരിഗണിച്ച് ദക്ഷിണപശ്ചിമറെയിൽവേ തെക്കൻ കേരളത്തിലേക്ക് രണ്ട് പ്രത്യേകതീവണ്ടി സർവീസുകൾ കഴിഞ്ഞദിവസം പ്രഖ്യാപിച്ചുവെങ്കിലും മലബാർമേഖലയിലേക്ക് ഒരു സർവീസ് പോലും അറിയിച്ചിട്ടില്ല.
ബെംഗളൂരു മലയാളികളിൽ വലിയൊരുവിഭാഗവും മലബാറിൽനിന്നാണെന്നും അതിനാൽ എത്രയുംവേഗം പ്രത്യേകസർവീസ് പ്രഖ്യാപിക്കണമെന്നും നഗരവാസികളായ മലയാളികൾ ആവശ്യപ്പെട്ടു.
സ്ഥിരംസർവീസിന്റെ കാര്യത്തിലും മലബാറിന് അവഗണനയാണെന്ന ആരോപണവും ഉയർന്നിട്ടുണ്ട്.
