Day: 1 August 2025

രേണു സുധി ബിഗ് ബോസ് സീസണ്‍ 7 ല്‍ ഉണ്ടാകും എന്ന് റിപ്പോർട്ട്. ബി​ഗ് ബോസിനായി രേണു എയര്‍പോര്‍ട്ടിലെത്തിയെന്ന് അതുല്‍ വ്‌ളോഗ്‌സ് പങ്കിട്ട വീഡിയോയിൽ പറയുന്നു. രേണു ബിഗ് ബോസില്‍ പോകുന്നുണ്ട് എന്ന് അറിഞ്ഞു. ഇന്ന് എയര്‍പോര്‍ട്ടില്‍ കയറി പറക്കുന്നുണ്ട് എന്നും അറിഞ്ഞിട്ടുണ്ട്. പക്ഷെ ഞാന്‍ നോക്കിയപ്പോള്‍ ഇത്രയും ക്വാളിറ്റിയില്ലാത്ത ഇവരൊക്കെ എന്ത് ഇന്‍ഫ്‌ളുവന്‍സര്‍ ആണ് എന്ന് പോലും എനിക്ക് അറിയത്തില്ല. ബിഗ് ബോസില്‍ പോയിട്ട് അവര്‍ എന്താണ് കാണിക്കാന്‍ പോകുന്നത് എന്ന് പോലും എനിക്ക് അറിയില്ല,’ അതുല്‍ പറഞ്ഞു. രേണു സുധിയെ ആദ്യമൊക്കെ…

സിനിമ ടെലിവിഷൻ താരം കലാഭവൻ നവാസ് (51)അന്തരിച്ചു ചോറ്റാനിക്കരയിലെ ഹോട്ടൽ മുറിയിൽ മരിച്ച നിലയിൽ കണ്ടെത്തുകയായിരുന്നു. ഹോട്ടൽ ജീവനക്കാർ വാതിൽ തുറന്ന് അകത്ത് കയറിയപ്പോൾ തറയിൽ കിടക്കുന്ന നിലയിലായിരുന്നു. പ്രകമ്പനം എന്ന സിനിമ ചിത്രീകരണവുമായി ബന്ധപെട്ടു ചോറ്റാനിക്കരയിൽ എത്തിയതായിരുന്നു താരം. ചെക്ക് ഔട്ട്‌ ചെയ്യാൻ നിൽക്കുന്ന സമയം പുറത്തിറങ്ങാതായത് ഓടെയാണ് ജീവനക്കാർ വാതിൽ തകർത്ത് അകത്ത് കയറിയത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല

ചെളി തെറിപ്പിച്ചത് ചോദ്യം ചെയ്തതിനെ തുടര്‍ന്ന് കെഎസ്ആര്‍ടിസി ജീവനക്കാര്‍ ബസ് നടുറോഡില്‍ ഉപേക്ഷിച്ച് പോയി. കോഴിക്കോട് തിരുവനന്തപുരം സൂപ്പർ ഫാസ്റ്റ് ബസാണ് ഉപേക്ഷിച്ചത്. ബസിൽ നിറയെ യാത്രക്കാർ ഉണ്ടായിരുന്നു. അരൂര്‍ എത്തിയപ്പോഴാണ് സംഭവം. ചെളിവെള്ളം സ്‌കൂട്ടർ യാത്രക്കാർക്ക് മേലെ തെറിച്ചതുമായി ബന്ധപ്പെട്ടായിരുന്നു തർക്കം. അതിന്റെ പേരിലാണ് ബസ് നടുറോഡിൽ ഇട്ട് ഡ്രൈവറും കണ്ടക്ടറും ഇറങ്ങിപ്പോയത്. മണിക്കൂറോളം ഗതാഗതം കുടുങ്ങിക്കിടന്നു. യാത്രക്കരും നാട്ടുകാരും പ്രതിഷേധിച്ചു. ബൈക്ക് യാത്രക്കാർക്കെതിരെ പരാതി നല്കാൻ ബസിൽ നിന്നിറങ്ങിയകെഎസ്ആര്‍ടിസി ജീവനക്കാർ പൊലീസ് സ്റ്റേഷനിലേക്ക് പോവുകയായിരുന്നു. തുടർന്ന് പരാതിയിൽ പൊലീസ് ഇതുവരെ കേസെടുത്തിട്ടില്ല.…

കോഴിക്കോട്: 12കാരിയെ പീഡിപ്പിച്ച്‌ ഗർഭിണിയാക്കിയ കേസില്‍ 72കാരൻ അറസ്റ്റില്‍. താമരശേരിയിലാണ് സംഭവം. കുട്ടിയുടെ അയല്‍വാസിയാണ് അറസ്റ്റിലായത്. വയറുവേദനയെത്തുടർന്ന് ആശുപത്രിയില്‍ എത്തിയപ്പോഴാണ് കുട്ടി ഗ‌ർഭിണിയാണെന്ന വിവരം അറിഞ്ഞത്. പെണ്‍കുട്ടി നല്‍കിയ മൊഴിയുടെ അടിസ്ഥാനത്തില്‍ 72കാരനെ കസ്റ്റഡിയിലെടുത്ത് ഡിഎൻഎ പരിശോധനയ്‌ക്ക് വിധേയനാക്കി. ഡിഎൻഎ ഫലം പോസിറ്റീവായതോടെയാണ് ഇയാളുടെ അറസ്റ്റ് രേഖപ്പെടുത്തിയത്. കഴിഞ്ഞ മേയ് 15നായിരുന്നു കുട്ടിയെ ആശുപത്രിയില്‍ പ്രവേശിപ്പിച്ചത്. പരിശോധനയില്‍ അഞ്ച് മാസം ഗർഭിണിയാണെന്ന് കണ്ടെത്തി. തുടർന്ന് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. അവിടുത്തെ ഡോക്‌ടർ നല്‍കിയ വിവരത്തിന്റെ അടിസ്ഥാനത്തിലാണ് പൊലീസ് കേസെടുത്തത്.

പാലക്കാട്: പാലക്കാട് സ്റ്റേഡിയം ബൈപ്പാസ് പരിസരത്ത് നിന്ന് മരിച്ച നിലയിൽ ജില്ലാ ആശുപത്രിയിലേക്ക് എത്തിച്ച യുവതിയുടെ പോസ്റ്റ്മോർട്ടത്തിൽ ഗുരുതര കണ്ടെത്തൽ. ലൈംഗിക അതിക്രമത്തിനിടെ ശ്വാസംമുട്ടിയും ആന്തരിക അവയവങ്ങൾക്ക് ക്ഷതമേറ്റുമാണ് പാലക്കാട് സ്വദേശിനിയായ 46 കാരി മരിച്ചതെന്ന് പോസ്റ്റുമോർട്ടം റിപ്പോർട്ട്. യുവതിയെ ആശുപത്രിയിലേക്ക് എത്തിച്ച വണ്ടിത്താവളം മല്ലംകുളമ്പ് സ്വദേശി സുബയ്യൻ തന്നെയാണ് അതിക്രമത്തിന് പിന്നിലെന്നും പൊലീസ് അറിയിച്ചു. മദ്യലഹരിയിലായിരുന്നു പ്രതി. സിസിടിവി ദൃശ്യങ്ങളുടെ അടിസ്ഥാനത്തിൽ നടത്തിയ ചോദ്യം ചെയ്യലിലാണ് കുറ്റം സമ്മതിച്ചത്.