Day: 21 March 2025

ബെംഗളൂരു : മറ്റൊരു ട്രാൻസ്‌ജെൻഡറെ നഗ്നയാക്കുകയും ഇരയുടെ തല മൊട്ടയടിക്കുകയും കൊലപാതകത്തിന് ശ്രമിക്കുകയും ചെയ്ത കേസിൽ മൂന്ന് ട്രാൻസ്‌ജെൻഡർമാരെ പോലീസ് അറസ്റ്റ് ചെയ്തു. സാമ്പത്തിക തർക്കത്തെ തുടർന്നാണ് സംഭവം നടന്നതെന്ന് റിപ്പോർട്ടുണ്ട്. വിജയകുമാർ (38), ഭവാനി എന്ന ബസവരാജ് (24), അങ്കുഷ് എന്ന അങ്കിത എന്നിവരാണ് അറസ്റ്റിലായത്. കലബുറഗിയിലെ വിശ്വാരാധ്യ ക്ഷേത്രത്തിന് സമീപം ദിവസങ്ങൾക്ക് മുമ്പായിരുന്നു സംഭവം. സംഭവത്തിന്റെ വീഡിയോകൾ സോഷ്യൽ മീഡിയയിൽ പ്രചരിച്ചതിനെ തുടർന്ന് അശോക് നഗർ പോലീസ് ട്രാൻസ്‌ജെൻഡർമാരെ അറസ്റ്റ് ചെയ്തു. ട്രാൻസ്‌ജെൻഡർമാരുടെ പ്രവൃത്തി സോഷ്യൽ മീഡിയയിൽ വലിയ വിമർശനത്തിന് വിധേയമായിട്ടുണ്ട്.

ബെംഗളൂരു : കർണാടകത്തിൽ എട്ടു മുതൽ 12 വരെ ക്ലാസുകളിൽ പഠിക്കുന്ന വിദ്യാർഥികൾക്ക് ലൈംഗികവിദ്യാഭ്യാസം ഉറപ്പാക്കാൻ സർക്കാർ പദ്ധതി തയ്യാറാക്കുന്നു. ആഴ്ചയിൽ രണ്ടു ക്ലാസുകൾവീതം നിർബന്ധമാക്കാനാണ് ആലോചന. ക്ലാസുകളിൽ ഡോക്ടർമാരുമായി കുട്ടികൾക്ക് ആശയവിനിമയത്തിനുള്ള സൗകര്യം ഉറപ്പുവരുത്തും. വിദ്യാഭ്യാസമന്ത്രി മധു ബംഗാരപ്പ നിയമസഭാ കൗൺസിൽ സമ്മേളനത്തിനിടെയാണ് ഇക്കാര്യം വ്യക്തമാക്കിയത്. ഒന്നുമുതൽ പത്തുവരെ ക്ലാസുകളിലെ വിദ്യാർഥികൾക്ക് ധാർമിക വിദ്യാഭ്യാസം നൽകുന്നത് നിർബന്ധമാക്കുമെന്നും മന്ത്രി അറിയിച്ചു.  

തിരുവനന്തപുരം : വിദ്യാർത്ഥികള്‍ക്ക് ഇടയിലെ ലഹരി ഉപയോഗം കൂടിയ സാഹചര്യത്തില്‍ മുഖ്യമന്ത്രി പിണറായി വിജയൻ വിദ്യാർത്ഥി സംഘടനകളുടെ യോഗം വിളിച്ചു. ഈ മാസം 30 നാണ് യോഗം. വിദ്യാർത്ഥി സംഘടനകളുടെയും സംസ്കാരിക സംഘടനളുടെയും പ്രതിനിധികള്‍ യോഗത്തില്‍ പങ്കെടുക്കും.

സ്വത്ത് രജിസ്ട്രേഷനുകൾക്കിടെയുള്ള ആൾമാറാട്ട തട്ടിപ്പ് തടയുന്നതിനായി, പെർമനന്റ് അക്കൗണ്ട് നമ്പറുകളും (പാൻ) ഈ ആവശ്യത്തിനായി ഉപയോഗിക്കുന്ന പാസ്‌പോർട്ടുകളും പരിശോധിക്കുന്നതിന് കർണാടക സർക്കാർ ആദായനികുതി വകുപ്പിന്റെയും വിദേശകാര്യ മന്ത്രാലയത്തിന്റെയും (എംഇഎ) പിന്തുണ തേടി. ബുധനാഴ്ച കർണാടക സ്റ്റാമ്പ് (ഭേദഗതി) ബിൽ 2025-നെക്കുറിച്ചുള്ള ചർച്ചയ്ക്കിടെ, സ്വത്തുക്കൾ രജിസ്റ്റർ ചെയ്യാൻ വ്യാജ പാൻ കാർഡുകൾ ഉപയോഗിക്കുന്നുണ്ടെന്ന് റവന്യൂ മന്ത്രി കൃഷ്ണ ബൈരെ ഗൗഡ നിയമസഭയെ അറിയിച്ചു. സ്വത്ത് രജിസ്ട്രേഷനിലെ വ്യാജരേഖകൾ പരിഹരിക്കുന്നതിനുള്ള നടപടികളെക്കുറിച്ച് ജെഡി (എസ്) നിയമസഭാ പാർട്ടി നേതാവ് സുരേഷ് ബാബുവിന്റെ ചോദ്യത്തിന് മറുപടിയായാണ് ഗൗഡ പദ്ധതികൾ…

ബെംഗളൂരു :നഗരം ഇപ്പോൾ കാത്തിരിക്കുന്നത് ചൂടിൽ നിന്ന് ആശ്വാസം നല്കുന്ന ഒരു മഴയ്ക്കാണ്. വരും ദിവസങ്ങളിൽ നഗരത്തിൽ മഴ പെയ്യാനുള്ള സാധ്യതയുണ്ടെന്നാണ് കാലാവസ്ഥാ മുന്നറിയിപ്പുകൽ സൂചിപ്പിക്കുന്നത്. കേന്ദ്ര കാലാവസ്ഥാ വകുപ്പിന്‍റെ പ്രവചനമനുസരിച്ച് മാർച്ച് 23 ഞായറാഴ്ച ബെംഗളൂരു ഉള്‍പ്പെടെ കർണ്ണാടകയിലെ 12 ജില്ലകളിൽ മഴ മുന്നറിയിപ്പ് നൽകിയിട്ടുണ്ട്. നിലവിൽ ചൂട് കൂടിയ അന്തരീക്ഷത്തിലൂടെ കടന്നു പോകുന്ന ബെംഗളൂരുവിന് മഴ ആശ്വാസമായേക്കും എന്നാണ് പ്രതീക്ഷ. അതേസമയം കർണ്ണാടകയിലെ ചില ജില്ലകളിൽ വരണ്ട കാലാവസ്ഥ തുടരും. സംസ്ഥാനത്തിന്റെ തീരദേശ, കുന്നിൻ പ്രദേശങ്ങളിലും തെക്കൻ ഉൾനാടൻ ജില്ലകളിലും ഞായാറാഴ്ച…