ബെംഗളൂരു: മുൻ ക്രിക്കറ്റ് താരം രാഹുൽ ദ്രാവിഡിന്റെ കാറും ഗുഡ്സ് ഓട്ടോയും തമ്മിൽ ചൊവ്വാഴ്ച വൈകുന്നേരം നഗരത്തിലെ കണ്ണിംഗ്ഹാം റോഡിൽ വെച്ച് ചെറുതായി കൂട്ടിയിടിച്ചു. ഇതിനെ തുടർന്ന് ദ്രാവിഡും ഓട്ടോ ഡ്രൈവറും തമ്മിൽ തർക്കമുണ്ടായി.
കണ്ണിംഗ്ഹാം റോഡിലൂടെ സഞ്ചരിക്കുകയായിരുന്ന ദ്രാവിഡിന്റെ കാർ ഗതാഗതക്കുരുക്കിൽ കുടുങ്ങി. ആ സമയത്ത്, അതേ റോഡിലൂടെ സഞ്ചരിക്കുകയായിരുന്ന ഒരു ഓട്ടോ ഡ്രൈവർ ദ്രാവിഡിന്റെ കാറിൽ ഇടിക്കുകയായിരുന്നു.
ഇതോടെ ദ്രാവിഡ് കാറിൽ നിന്നിറങ്ങി പരിശോധിച്ചു. വാഹനത്തിന് നേരിയ കേടുപാടുകൾ സംഭവിച്ചതായി കണ്ടപ്പോൾ, അവർ ഡ്രൈവറുമായി ചെറിയൊരു വാക്കുതർക്കത്തിൽ ഏർപ്പെട്ടു.
സംഭവത്തിന് ശേഷം ദ്രാവിഡ് ഡ്രൈവറുടെ മൊബൈൽ നമ്പർ വാങ്ങി സ്ഥലം വിട്ടു. സംഭവത്തെക്കുറിച്ച് പരാതിയൊന്നും ലഭിച്ചിട്ടില്ലെന്ന് ഹൈഗ്രൗണ്ട്സ് ട്രാഫിക് സ്റ്റേഷൻ പോലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
