തിരുവനന്തപുരം: വെഞ്ഞാറമൂട്ടില് യുവതിയെ മരിച്ച നിലയില് കണ്ടെത്തി.
വെഞ്ഞാറമൂട് മുക്കന്നൂർ സ്വദേശി പ്രവീണ(32)യെ ആണ് വീടിനുള്ളില് തൂങ്ങിമരിച്ച നിലയില് കണ്ടെത്തിയത്.
പ്രവീണയെ ചിലർ ശല്യപ്പെടുത്തിയിരുന്നതായി കുടുംബം പോലീസില് പരാതി നല്കിയിരുന്നു.
പ്രവീണയുടെ മരണത്തില് പോലീസിനെതിരെ ആരോപണവുമായി സഹോദരൻ പ്രവീണ് രംഗത്തെത്തിയിട്ടുണ്ട്.
പ്രവീണയെ ചിലർ ശല്യപ്പെടുത്തിയിരുന്നതായി കുടുംബം പോലീസില് പരാതി നല്കിയിട്ടും പരാതിയില് പോലീസിന്റെ ഇടപെടല് ഉണ്ടായില്ലെന്നാണ് സഹോദരന്റെ ആരോപണം.
സഹോദരിക്കെതിരെ വ്യാജ പ്രചാരണങ്ങള് ഉണ്ടായി എന്നും ഇതിന് പിന്നില് ചില നാട്ടുകാരും കുടുംബക്കാരും ആണെന്നും സഹോദരൻ ആരോപിച്ചു.
മാനസികമായി തളർന്ന നിലയില് ആയിരുന്നു സഹോദരിയെന്നും മൊബൈല് ഫോണില് ഒരാള് മോശം സന്ദേശങ്ങള് അയച്ചുവെന്നും സഹോദരൻ പറയുന്നു.
കഴിഞ്ഞ ദിവസം ബൈക്കില് എത്തിയ അജ്ഞാതൻ പ്രവീണയുടെ വാഹനം ഇടിച്ചിട്ടെന്നും സഹോദരൻ ആരോപിച്ചു.
അപകടത്തില് സഹോദരിക്ക് സാരമായി പരിക്കേറ്റു എന്നും പ്രവീണ് കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
