തിരുവനന്തപുരം: പത്ത് വര്ഷം മുമ്പ് എടുത്ത ആധാര് കാര്ഡുകളില് ഇതുവരെയും യാതൊരുവിധ പുതുക്കലും നടത്താത്തവര്ക്ക് ജൂണ് 14 വരെ ഓണ്ലൈനായി സൗജന്യമായി പുതുക്കാൻ അവസരം.
തിരിച്ചറിയല്- മേല്വിലാസ രേഖകള് myaadhaar.uidai.gov.in വഴി ആധാര് നമ്പർ ഉപയോഗിച്ച് ലോഗിൻ ചെയ്ത ശേഷം ഡോക്യുമെന്റ് അപ്ഡേറ്റ് ചെയ്യാം.
മൊബൈല് നമ്പർ ആധാറുമായി ബന്ധിപ്പിച്ചവര്ക്ക് മാത്രമേ ഓണ്ലൈൻ സംവിധാനം ഉപയോഗിക്കാൻ സാധിക്കൂ. ആധാര് സേവനങ്ങള് വേഗത്തില് ലഭ്യമാക്കാൻ ആധാറില് മൊബൈല് നമ്പർ, ഇ-മെയില് എന്നിവ നല്കണം. ഇതുവരെ ആധാറില് മൊബൈല് നമ്പർ, ഇ-മെയില് എന്നിവ നല്കാതിരുന്നവര്ക്കും നിലവിലുള്ള ആധാറില് മൊബൈല് നമ്പർ, ഇ-മെയില് എന്നിവ മാറ്റം വന്നവര്ക്കും അക്ഷയ ആധാര് കേന്ദ്രങ്ങള് വഴി അപ്ഡേറ്റ് ചെയ്യാം.
നവജാത ശിശുക്കള്ക്കും ആധാര് എൻറോള് ചെയ്യണം. അഞ്ച് വയസിന് താഴെയുള്ള കുട്ടികളുടെ ആധാര് എൻറോള്മെന്റിന് ബയോമെട്രിക് വിവരങ്ങള് ശേഖരിക്കില്ല. എൻറോളിങ്ങിന് കുട്ടിയുടെ ജനന സര്ട്ടിഫിക്കറ്റും മാതാപിതാക്കളില് ഒരാളുടെ ആധാറും മതി. കുട്ടികളുടെ ബയോമെട്രിക്സ് 5 വയസിലും 15 വയസിലും നിര്ബന്ധമായും പുതുക്കണം.
അഞ്ചാം വയസിലെ നിര്ബന്ധിത ബയോമെട്രിക് പുതുക്കല് ഏഴു വയസിനുള്ളിലും 15 വയസിലെ നിര്ബന്ധിത ബയോമെട്രിക് പുതുക്കല് 17 വയസിനുള്ളിലും നടത്തിയാലേ സൗജന്യ പുതുക്കല് സൗകര്യം ലഭിക്കൂ. അല്ലാത്ത പക്ഷം നിര്ബന്ധിത ബയോമെട്രിക് പുതുക്കലിന് 100 രൂപ ഫീസ് നല്കണം. അക്ഷയ ആധാര് കേന്ദ്രങ്ങള് വഴിയും ഈ സേവനം 50 രൂപ നല്കി ചെയ്യാം
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
