ബെംഗളൂരു: അഞ്ച് ലക്ഷം വൃക്ഷത്തൈകൾ സൗജന്യമായി വിതരണം ചെയ്യാൻ തീരുമാനിച്ച് ബിബിഎംപി, ഔഷധയോഗ്യമായതോ ഫലവൃക്ഷമോ അലങ്കാരങ്ങളുമായോ ഏതുതരം തൈകളും ആളുകൾക്ക് ശേഖരിക്കാൻ കഴിയുന്ന അഞ്ച് കേന്ദ്രങ്ങൾ സ്ഥാപിച്ചിച്ചു. ഞായറാഴ്ച ലോക പരിസ്ഥിതി ദിനത്തോടനുബന്ധിച്ച് ഫ്രീഡം പാർക്കിൽ വൃക്ഷത്തൈ നട്ടുപിടിപ്പിച്ച ശേഷം, ബിബിഎംപി ചീഫ് കമ്മീഷണർ തുഷാർ ഗിരിനാഥ് പൗരന്മാരോട് പദ്ധതി നന്നായി പ്രയോജനപ്പെടുത്താനും അവരുടെ അയൽപക്കത്ത് ഒരു തൈ നടാനും അഭ്യർത്ഥിച്ചു.
അഞ്ച് നഴ്സറികളിലായി മൂന്ന് ലക്ഷം തൈകൾ ഇതിനകം ഉണ്ടെന്ന് അധികൃതർ പറഞ്ഞു. കഴിഞ്ഞ വർഷം 1.6 ലക്ഷം വൃക്ഷത്തൈകൾ വിതരണം ചെയ്തിരുന്നു. രണ്ട് ലക്ഷം വൃക്ഷത്തൈകൾ കൂടി നട്ടുപിടിപ്പിക്കാൻ ഞങ്ങൾ ഇപ്പോൾ ടെൻഡർ നടത്തിയിട്ടുണ്ടെന്നും അദ്ദേഹം വ്യക്തമാക്കി. ഈ വർഷം അഞ്ച് ലക്ഷം വൃക്ഷത്തൈകൾ വിതരണം ചെയ്യാനാണ് വകുപ്പിന്റെ ലക്ഷ്യമെന്നും ഒരു ഉദ്യോഗസ്ഥൻ പറഞ്ഞു. ഹോംഗെ, മഹാഗണി, തബേബുയ റോസിയ, നെരാലെ, ബേവു എന്നിവയും നഴ്സറികളിൽ ലഭ്യമാണ്.
2021-22 ബജറ്റിൽ ബിബിഎംപിയുടെ വനം വകുപ്പിന് ആകെ ലഭിച്ചത് 32.53 കോടി രൂപയാണ്. ഇതിൽ 9 കോടി അവന്യൂ പ്ലാന്റേഷൻ (പാതയോരത്തെ മരങ്ങൾ), 5 കോടി രൂപ തൈകളുടെ ഉത്പാദനത്തിനും പരിപാലനത്തിനും (അത് പിന്നീട് പൗരന്മാർക്കോ സംഘടനകൾക്കോ നൽകും) കൂടാതെ നിലവിലുള്ള മരങ്ങളുടെ പരിപാലനത്തിനായി മറ്റൊരു 5 കോടി രൂപയും നീക്കിവച്ചട്ടുണ്ട്.
മരങ്ങളുടെ പരിപാലനത്തിന് (അപകടകരമായ മരങ്ങൾ മുറിക്കുന്നതിനും വീണവ വൃത്തിയാക്കുന്നതിനും) 10 കോടി രൂപ പ്രത്യേകം അനുവദിച്ചിട്ടുണ്ട്.
സൗജന്യമായി തൈകൾ സ്വന്തമാക്കുന്നതിനായി വിളിക്കുക
- ഹെഡ് ഓഫീസ് (ഡോ രാജ്കുമാർ ഗ്ലാസ് ഹൗസ്): 9480683341
- ബൊമ്മനഹള്ളി (കുഡ്ലു നഴ്സറി): 7019196107
- യെലഹങ്ക (ആറ്റൂർ നഴ്സറി): 9480685196
- ആർആർ നഗർ (ജ്ഞാനഭാരതി/മല്ലത്തഹള്ളി): 9164042566
- മഹാദേവപുര (കെമ്പപുര/ദൊഡ്ഡബസ്തി): 9480685196
