You are here

ഒളിമ്പ്യൻമാരെ ചില സർക്കാറുകൾ കണ്ടില്ലെന്ന് നടിക്കുമ്പോൾ,രാജ്യത്തിൻ്റെ സുവർണതാരത്തിനും നാലാം സ്ഥാനക്കാരിക്കും”ഗോൾഡൻ പാസ് “സമ്മാനിച്ച് കെ.എസ്.ആർ.ടി.സി.

സ്വന്തം ലേഖകന്‍

ബെംഗളൂരു : ടോക്കിയോയിൽ മെഡലുകൾ നേടി രാജ്യാന്തര തലത്തിൽ ശ്രദ്ധിക്കപ്പെടുകയും രാജ്യത്തിൻ്റെ അഭിമാനമായി മാറുകയും ചെയ്ത കായികതാരങ്ങൾക്ക് ഓരോ സംസ്ഥാ സർക്കാറുകളും പാരിതോഷികങ്ങൾ പ്രഖ്യാപിച്ചിട്ടുണ്ട്.

ടോക്കിയോയിൽ സ്വർണമണിഞ്ഞ നീരജ് ചോപ്രക്ക് നിരവധി പാരിതോഷികങ്ങളാണ് വിവിധ സ്ഥാപനങ്ങൾ പ്രഖ്യാപിച്ചത്.

ആനന്ദ് മഹീന്ദ്ര അവരുടെ വാഹനമായ എക്സ്.യു.വി 700 നൽകുമെന്ന് പ്രഖ്യാപിച്ചപ്പോൾ രാജ്യത്തെ ക്രിക്കറ്റ് കണ്ട്രോൾ ബോർഡ് നൽകിയത് ഒരു കോടി രൂപയാണ്. ഒരു വർഷം സൗജന്യ യാത്രക്ക് അവസരം നൽകിക്കൊണ്ടാണ് നീരജിൻ്റെ സുവർണ നേട്ടം ഇൻഡിഗോ എയർലൈൻ ആഘോഷിച്ചത്.

  വാണിജ്യ സിലിണ്ടറുകളുടെ വിതരണം മുടങ്ങി; പീനിയ ഇൻഡസ്ട്രിയൽ ഏരിയയിൽ ആയിരത്തിലധികം യൂണിറ്റുകൾ അടച്ചുപൂട്ടൽ ഭീഷണിയിൽ

തീർന്നില്ല കർണാടകയിലെ പൊതുമേഖലയിലെ അഭിമാന സ്ഥാപനമായ കർണാടക ആർ.ടി.സി. നീരജിന് നൽകിയത് അവരുടെ” ഗോൾഡൻ പാസ് “ആണ്, കെ.എസ്.ആർ.ടി.സിക്ക് സർവ്വീസുള്ള എവിടേക്കും ആജീവനാന്തം ഈ പാസ് ഉപയോഗിച്ച് സൗജന്യമായി സഞ്ചരിക്കാം.

ആർ.ടി.സി.യുടെ 60-ാം വാർഷികത്തിന്റെ ഭാഗമായാണിതെന്ന് മാനേജിങ് ഡയറക്ടർ ശിവയോഗി സി. കലസാദ് ട്വീറ്റ് ചെയ്തു.

ഒളിമ്പിക് ഗോൾഡൻ ബോയ് എന്ന് ചോപ്രയെ വിശേഷിപ്പിച്ചാണ് ഔദ്യോഗിക ട്വിറ്റർ അക്കൗണ്ടിൽ പ്രഖ്യാപനം പങ്കുവെച്ചത്.

ടോക്യോ ഒളിമ്പിക്സിൽ വനിതകളുടെ ഗോൾഫ് മത്സരത്തിൽ നാലാംസ്ഥാനത്തെത്തിയ ബെംഗളൂരു താരം അദിതി അശോകിന് ആർ.ടി.സി. ബസുകളിൽ സൗജന്യ പാസും അനുവദിച്ചു.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
  ബെംഗളൂരുവിൽ മാലിന്യം ഇനി വെറുതെ കളയാം എന്ന് കരുതേണ്ട; നാലായി തരംതിരിച്ചില്ലെങ്കിൽ പണികിട്ടും! പുതിയ 'എസ്.ഡബ്ല്യു.എം' ചട്ടങ്ങൾ ഇങ്ങനെ
If you cannot read Malayalam,Download BengaluruVartha Android app from Google play store and Click On the News Reader Button.
  ബെംഗളൂരുവിലെ ഈ ഓട്ടോ ഡ്രൈവർക്ക്, ഓട്ടോയാണ് വീട്, മെട്രോ സ്റ്റേഷനാണ് അഭയം: ഇത് 'നിശബ്ദ പോരാളിയുടെ' കഥ; വീഡിയോ കാണാം
[masterslider id="10"]

Related posts