ബെംഗളൂരു : നഗരത്തിൽ പുതുവർഷം ആഘോഷിക്കുന്നവർ ശ്രദ്ധിക്കേണ്ട ചില കാര്യങ്ങൾ ഇവയാണ്..
- ബി.എം.ടി.സി. സർവീസ് ഇന്ന് രാത്രി 12:30 വരെ ഉണ്ടായിരിക്കും.
- നമ്മ മെട്രോ സർവ്വീസ് നാളെ പുലർച്ചെ 2 മണി വരെ ഉണ്ടായിരിക്കും
- ഇലക്ട്രോണിക് സിറ്റി, വിമാനത്താവള മേൽപ്പാലങ്ങൾ അടക്കം നഗരത്തിലെ 41 മേൽപ്പാലങ്ങൾ ഇന്ന് രാത്രി 10 മണി മുതൽ രാവിലെ 6 മണി വരെ അടച്ചിടും.
- നന്ദി ഹിൽസിലും മണ്ഡ്യയിലെ മുത്തത്തി നദിയിലും ഇന്ന് വൈകീട്ട് 4 മുതൽ രാവിലെ 8 വരെ പ്രവേശനം നിഷേധിച്ചു.
- മുങ്ങിമരണവും മറ്റ് അപകടങ്ങളും തടയാൻ കാവേരി നദിയിലെ യെഡമുറി, ബാൽമുറി വെള്ളച്ചാട്ടത്തിന്റെ സമീപ പ്രദേശങ്ങളിൽ നിരോധനാജ്ഞ പുറപ്പെടുവിച്ചു.ഇന്ന് രാവിലെ 6 മുതൽ നാളെ രാവിലെ 6 വരെ പ്രവേശനം നിരോധിച്ചു.
- ഇന്ന് മദ്യപിച്ച് വാഹനമോടിക്കുന്നവരെ പോലീസ് അറസ്റ്റ് ചെയ്യും.വാഹനങ്ങൾ പിടിച്ചെടുക്കും.
