ബെംഗളൂരു : ജെഡിഎസിന്റെ ഏക എം പി യും ദേവഗൗഡയുടെ ചെറുമകനും കർണാടക പൊതുമരാമത്ത് മന്ത്രിയായ രേവണ്ണയുടെ മകനുമായ പ്രജ്വൽ രേവണ്ണ രാജിവക്കാൻ ഒരുങ്ങി.
ഇന്ന് അദ്ദേഹം നടത്തിയ പത്രസമ്മേളനത്തിലാണ് താൻ രാജിവക്കുകയാണ് എന്ന് അറിയിച്ചത്, എല്ലാവരും സീനിയർ നേതാവ് എന്ന് വിളിക്കുന്ന എച്ച് ഡി ദേവഗൗഡ എനിക്ക് ദൈവത്തെ പോലെയാണ്.
അദ്ദേഹം തോറ്റു കൊണ്ടുള്ള ഒരു നേട്ടവും തനിക്ക് വേണ്ട, അദ്ദേഹത്തെ ഹാസനിൽ നിർത്തി വിജയിപ്പിച്ച് എടുക്കണം എന്നും പ്രജ്വൽ ആവശ്യപ്പെട്ടു.
താൻ ലോകസഭാ സീറ്റ് ചോദിച്ച് വാങ്ങിയതല്ല നിയമസഭാ തെരഞ്ഞെടുപ്പ് സമയത്ത് പാർട്ടിക്ക് വേണ്ടി പ്രവർത്തിച്ചതിനാൽ താൻ നിയമസഭാ സീറ്റ് ചോദിച്ചിരുന്നു.പ്രജ്വൽ പറഞ്ഞു.
ഇത് ദേവഗൗഡ യോട് സംസാരിച്ചിരുന്നോ എന്ന പത്രക്കാരുടെ ചോദ്യത്തിന്, ഇന്നലെ വോട്ടെണ്ണലിന്റെ അവസാന സമയത്ത് വിളിച്ചിരുന്നു. ഈ വിഷയം പറയാൻ പറ്റിയ സമയമായിരുന്നില്ല എന്ന് പ്രജ്വൽ മറുപടി നൽകി.
പിതാവായ രേവണ്ണയോടും പിതൃസഹോദരനായ കുമാരസ്വാമി യോടും ഇതു പറഞ്ഞിട്ടില്ല എന്നും പ്രജ്വൽ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
