ബെംഗളൂരു ∙ കബ്ബൺപാർക്കിൽ എത്തുന്നവർക്കു പാർക്കിലും നിരത്തിലും സഞ്ചരിക്കാൻ വാടക സൈക്കിളുകൾ എത്തുന്നു. ടൂറിസം, ഹോർട്ടികൾച്ചർ വകുപ്പുകൾ സംയുക്തമായാണ് ബൈസിക്കിൾ–ഓൺ–റെന്റ് സംവിധാനം നടപ്പാക്കുക. പരീക്ഷണ അടിസ്ഥാനത്തിൽ രണ്ടുമാസത്തേക്കാണ് പദ്ധതി നടപ്പാക്കുക. വിനോദ സഞ്ചാരികളുടെ അഭിപ്രായം അനുസരിച്ച് പദ്ധതിയിൽ പിന്നീട് വേണ്ട മാറ്റം വരുത്തുമെന്നു കബ്ബൺപാർക്കിന്റെ ചുമതലയുള്ള ഹോർട്ടികൾച്ചർ ഡപ്യൂട്ടി ഡയറക്ടർ മഹന്തേഷ് പറഞ്ഞു. കബ്ബൺപാർക്കിൽ വാഹന നിരോധനമുള്ള ഞായറാഴ്ചകളിൽ സൈക്കിളുമായി ഒട്ടേറെപ്പേർ എത്താറുണ്ട്. വാടകയ്ക്കു സൈക്കിൾ ലഭ്യമാക്കുന്നതിലൂടെ കൂടുതൽ സന്ദർശകരെ ആകർഷിക്കാനാകും. മെട്രോ ട്രെയിനിൽ കബ്ബൺപാർക്ക് സ്റ്റേഷനിൽ ഇറങ്ങുന്നവർക്കു തുടർയാത്രയ്ക്കായും വാടക സൈക്കിളുകൾ പ്രയോജനപ്പെടുത്താനാകും.
Read Moreകബ്ബൺപാർക്കിൽ എത്തുന്നവർക്കു പാർക്കിലും നിരത്തിലും സഞ്ചരിക്കാൻ വാടക സൈക്കിളുകൾ എത്തുന്നു.
