You are here

സിദ്ധരാമയ്യ സർക്കാരിന്റെ അഭിമാന പദ്ധതിയായ ക്ഷീരഭാഗ്യയുമായി കൈകോർക്കാൻ ഓൺലൈൻ പോർട്ടൽ ഭീമനായ ആമസോൺ.

സ്വന്തം ലേഖകന്‍
 ബെംഗളൂരു∙ സിദ്ധരാമയ്യ സർക്കാരിന്റെ അഭിമാന പദ്ധതിയായ ക്ഷീരഭാഗ്യയുമായി കൈകോർക്കാൻ ഓൺലൈൻ പോർട്ടൽ ഭീമനായ ആമസോൺ. ആഴ്ചയിൽ അഞ്ചു ദിവസം സ്കൂൾ കുട്ടികൾക്ക് പാൽ കൊടുക്കുന്ന പദ്ധതിയാണിത്. ഇസ്കോണിന്റെ നേതൃത്വത്തിലുള്ള അക്ഷയപാത്ര ഫൗണ്ടേഷനുമായി ചേർന്ന് 1300 സർക്കാർ സ്കൂളുകളിലെ 170000 കുട്ടികൾക്ക് പാലെത്തിക്കാനുള്ള പദ്ധതിയെ പൂർണ ഫലപ്രാപ്തിയിലെത്തിക്കാനാണ് ആമസോൺ സഹകരണമെന്ന് മൃഗസംരക്ഷണ മന്ത്രി എ.മഞ്ജു പറഞ്ഞു. സമൂഹത്തിൽ ഗുണപരമായ മാറ്റങ്ങൾ കൊണ്ടുവരാൻ ആമസോൺ എന്നും പ്രതിജ്ഞാ ബദ്ധമാണെന്നും ഡയറക്ടറും ജനറൽ മാനേജരുമായ ഗോപാൽ പിള്ള പറഞ്ഞു. രാജ്യത്തെ 12 സംസ്ഥാനങ്ങളിലായി സ്കൂൾ കൂട്ടികൾക്കുൾപ്പെടെ ഉച്ചയൂണു നൽകുന്ന പദ്ധതിയുമായി അക്ഷയപാത ഫൗണ്ടേഷനും നേരത്തെ തന്നെ സജീവമാണ്.

പ്രാദേശിക സ്റ്റാർട്ടപ്പ് ഉൽപന്നങ്ങൾ ഓൺലൈനിലൂടെ ഗുണഭോക്താക്കളിലേക്ക് എത്തിക്കുന്നതിനായി സർക്കാരുമായി കൈകോർത്ത് കർണാടക ബയോടെക്നോളജി ആൻഡ് ഇൻഫർമേഷൻ ടെക്നോളജി സർവീസസുമായി (കെബിഐടിഎസ്) ആമസോൺ കരാർ ഒപ്പിട്ടു. ഉടമ്പടിയുടെ ഭാഗമായി, തിരഞ്ഞെടുക്കപ്പെടുന്ന സ്റ്റാർട്ടപ്പുകൾക്ക് ഉൽപന്നങ്ങൾ വിറ്റഴിക്കുന്നതിനായുള്ള വിദഗ്ധ പരിശീലനം ആമസോൺ നൽകും. http://www.amazon.in എന്ന ആമസോൺ വെബ്സൈറ്റിൽ ഇക്കൂട്ടരുടെ ഉൽപന്നങ്ങൾ പ്രദർശിപ്പിച്ചാണ് ഇവയ്ക്ക് വിപണി കണ്ടെത്താൻ സഹായിക്കുന്നത്. സ്റ്റാർട്ടപ്പുകളുടെ വിവരങ്ങൾ മാസാമാസം കെബിഐടിഎസാണ് ആമസോണിനു കൈമാറുന്നത്.

  വാടകക്കാരെ പിഴിഞ്ഞെടുക്കുന്ന പുതിയ ബെംഗളൂരു ട്രെൻഡ്; വീടൊഴിയാൻ 30 ദിവസത്തെ നോട്ടീസ്, സോഷ്യൽ മീഡിയയിൽ പുകഞ്ഞ് വാടകപ്പോര്
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
  ബസിൽ കയറാൻ ശ്രമിച്ച യാചകനെ ചവിട്ടി പുറത്താക്കി; ബി.എം.ടി.സി കണ്ടക്ടർക്ക് സസ്പെൻഷൻ
If you cannot read Malayalam,Download BengaluruVartha Android app from Google play store and Click On the News Reader Button.
  നഗരത്തിൽ കളിക്കളങ്ങൾ ഓർമ്മയാകുന്നു; മൊബൈൽ മാറ്റിവെച്ചാൽ മക്കൾ എങ്ങോട്ട് പോകണം? കോൺക്രീറ്റ് വഴികളിൽ കുട്ടികാലം തളയ്ക്കപ്പെടുന്നു
[masterslider id="10"]

Related posts