ന്യൂഡല്ഹി: സിനിമ തിയ്യറ്ററുകളില് ദേശീയഗാനം കേള്പ്പിക്കുന്നത് നിര്ബന്ധമാക്കി സുപ്രീംകോടതി ഉത്തരവിട്ടു. രാജ്യമെമ്പാടുമുള്ള തിയ്യറ്ററുകളില് ഇനിമുതല് സിനിമ തുടങ്ങും മുന്പ് ദേശീയഗാനം കേള്പ്പിക്കണം. തിയ്യറ്ററിലുള്ള മുഴുവന് ആളുകളും അപ്പോള് എഴുന്നേറ്റ് നിന്ന് ആദരവ് പ്രകടിപ്പിക്കണം. തിയ്യറ്ററില് സ്ക്രീനില് ദേശീയപാതകയുടെ ദൃശ്യം കാണിക്കുകയും വേണം.
ദേശീയഗാനത്തെ അവഹേളിക്കുന്നത് തടയണമെന്നും ദേശീയഗാനം ആലപിക്കുന്നതും കേള്പ്പിക്കുന്നതും സംബന്ധിച്ച് കൃത്യമായ മാര്ഗ്ഗനിര്ദേശം വേണമെന്നും ആവശ്യപ്പെട്ടു കൊണ്ടുള്ള പൊതുതാത്പര്യഹര്ജി തീര്പ്പാക്കി കൊണ്ടാണ് സുപ്രീംകോടതി ഇത്തരമൊരു ഉത്തരവ് പുറപ്പെടുവിച്ചിരിക്കുന്നത്. ഇതുസംബന്ധിച്ച ഉത്തരവ് ചീഫ് സെക്രട്ടറിമാര്ക്ക് കൈമാറുമെന്നും പത്രമാധ്യമങ്ങളില് പ്രസിദ്ധീകരിക്കുമെന്നും കേന്ദ്രസര്ക്കാര് സുപ്രീകോടതിയെ അറിയിച്ചു.
തിയ്യറ്ററുകളില് ദേശീയഗാനം കേള്പ്പിക്കുമ്പോള് ആളുകള് എഴുന്നേറ്റ് നില്ക്കാത്തതും അതേചൊല്ലി തര്ക്കങ്ങളും സംഘര്ഷങ്ങളും ഉണ്ടാവുന്നതും നേരത്തെ ചര്ച്ചയായിരുന്നു. തീയ്യറ്ററുകളില് ദേശീയഗാനം വയ്ക്കുന്നതിലെ ശരി തെറ്റുകള് സംബന്ധിച്ച ചര്ച്ചകള് പുതിയ തലത്തില് എത്തിച്ചു കൊണ്ടാണ് പരമോന്നത നീതിപീഠം ഉത്തരവ് പുറപ്പെടുവിച്ചിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
