ഹരിപ്പാട് മുട്ടത്ത് വിവാഹസദ്യക്കിടയില് പപ്പടം കിട്ടാത്തതിനെ തുടര്ന്ന് ഉണ്ടായ തര്ക്കം കൂട്ടത്തല്ലില് കലാശിച്ചു. ഓഡിറ്റോറിയം ഉടമ ഉൾപ്പെടെ മൂന്ന് പേര്ക്ക് പരിക്കേറ്റു. ഞായറാഴ്ച ഉച്ചയോടെ മുട്ടത്തെ ഓഡിറ്റോറിയത്തില് വെച്ചാണ് സംഭവമുണ്ടായത്. വരന്റെ സുഹൃത്തുക്കളിൽ ചിലര് സദ്യ കഴിക്കുന്നതിനിടെ വീണ്ടും പപ്പടം ആവശ്യപ്പെട്ടു. ഇതിനെ തുടർന്ന് തര്ക്കമുണ്ടാവുകയും കൂട്ടത്തല്ലില് കലാശിക്കുകയുമായിരുന്നുവെന്ന് പൊലീസ് പറഞ്ഞു. ഓഡിറ്റോറിയത്തിൽ ഉണ്ടായിരുന്ന കസേരകളും മേശകളും ഉപയോഗിച്ചായിരുന്നു തമ്മിലടിച്ചത്. ഓഡിറ്റോറിയം ഉടമ മുരളീധരന്, ജോഹന്, ഹരി എന്നിവർക്കാണ് പരിക്കേറ്റത്. കരീലക്കുളങ്ങര പൊലീസ് കേസെടുത്ത് അന്വേഷണം ആരംഭിച്ചു.
Read More