ചെന്നൈ: നടൻ ശരത്കുമാർ എൻ.ഡി.എ. സഖ്യത്തിലേക്ക്. ഇതിൻ്റെ മുന്നോടിയായി ബി.ജെ.പി. നേതൃത്വവുമായുള്ള ആദ്യഘട്ടചർച്ചകള് പൂർത്തിയാക്കി. ലോക്സഭാ തിരഞ്ഞെടുപ്പില് കന്യാകുമാരി, തിരുനെല്വേലി മണ്ഡലങ്ങളാണ് ശരത്കുമാർ ആവശ്യപ്പെട്ടതെങ്കിലും ഒരു സീറ്റ് നല്കാമെന്നാണ് ബി.ജെ.പി.യുടെ നിർദേശം. ഇതില് തിരുനെല്വേലിക്കാണ് ശരത്കുമാർ പ്രാധാന്യം നല്കുന്നത്. അവിടെ സീറ്റ് നല്കിയാല് അദ്ദേഹംതന്നെ സ്ഥാനാർഥിയാവുമെന്നാണ് സൂചന. തിരുനെല്വേലി, കന്യാകുമാരി, തെങ്കാശി ജില്ലകള് സമത്വ മക്കള് കക്ഷിക്ക് സ്വാധീനമുള്ള മേഖലകളാണ്. 1996-ല് ഡി.എം.കെ.യിലൂടെയാണ് ശരത്കുമാർ രാഷ്ട്രീയത്തിലെത്തുന്നത്. 1998 ലോക്സഭാ തിരഞ്ഞെടുപ്പില് തിരുനെല്വേലി മണ്ഡലത്തില് ഡി.എം.കെ. ടിക്കറ്റില് മത്സരിച്ച് പരാജയപ്പെട്ടിരുന്നു.
Read More