ബെംഗളൂരു : വലിയ പ്രശ്നമായി തുടരുന്ന സ്വകാര്യ സ്കൂളുകളുടെ ഫീസ് നിശ്ചയിക്കാൻ ഉന്നതാധികാര സമിതിയെ നിയോഗിക്കാൻ ഹൈക്കോടതിയുടെ അനുമതി തേടി സർക്കാർ.
ഈ അധ്യായന വർഷം 70% മാത്രം ട്യൂഷൻ ഫീ വാങ്ങിയാൽ മതിയെന്ന് ജനുവരിയിൽ സർക്കാർ ഇറക്കിയ ഉത്തരവിനെ ചോദ്യം ചെയ്തു കൊണ്ട് സ്കൂൾ മാനേജുമെൻറുകൾ ഹൈക്കോടതിയെ സമീപിച്ചിരുന്നു.
ഹൈക്കോടതിയിൽ നിന്ന് വിരമിച്ച ജഡ്ജിയുടെ അധ്യക്ഷതയിൽ ഒരു ഉന്നതാധികാര സമിതിയെ നിയോഗിക്കാൻ അനുമതി നൽകണമെന്നാണ് ഈ ഹർജ്ജി പരിഗണിക്കുന്ന ബെഞ്ചിനോട് സർക്കാർ ആവശ്യപ്പെട്ടത്.
ഇസ്ലാമിക് അക്കാദമിയുമായി ബന്ധപ്പെട്ട മറ്റൊരു കേസിൽ പ്രത്യേക സമിതിയെ നിയോഗിക്കാൻ സുപ്രീം കോടതി നേരത്തെ നിർദേശിച്ചിരുന്നു.
ഇതേ രീതിയിലുള്ള സമിതി രൂപീകരിക്കാൻ അനുമതി നൽകണമെന്നാണ് സർക്കാറിൻ്റെ ആവശ്യം.
അതേ സമയം ഈ വർഷവും പഴയ നിരക്കിൽ തന്നെ സ്വകാര്യ സ്കൂളുകൾ ഫീസ് ഈടാക്കുന്നതായും ഫീസ് നൽകാത്ത കുട്ടികളെ ഈ വർഷത്തെ ഓൺലൈൻ ക്ലാസ്സുകളിൽ പങ്കെടുപ്പിക്കുന്നില്ല എന്നും നഗരത്തിൽ വ്യാപകമായ പരാതി ഉയരുന്നുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
