ചെന്നൈ : ഇന്ത്യയുടെ വാർത്താവിനിമയ ഉപഗ്രഹമായ സിഎംഎസ്-03 നവംബർ രണ്ടിന് വിക്ഷേപിക്കും. 4,400 കിലോഗ്രാം ഭാരമുള്ള ഇത് ഇന്ത്യയിൽനിന്ന് ഭൂസ്ഥിര ഭ്രമണപഥത്തിലേക്കു വിക്ഷേപിക്കുന്ന ഏറ്റവും ഭാരംകൂടിയ വാർത്താവിനിമയ ഉപഗ്രഹമാണ്.
ഐഎസ്ആർഒയുടെ ഏറ്റവും കരുത്തുറ്റ വിക്ഷേപണവാഹനമായ ലോഞ്ച് വെഹിക്കിൾ മാർക്ക് 3യാണ് (എൽവിഎം3) സിഎംഎസ്-03 യെ ഭ്രമണപഥത്തിലെത്തിക്കുക. ഉപഗ്രഹത്തെ റോക്കറ്റിൽ ഇണക്കിച്ചേർത്ത് വിക്ഷേപണത്തറയിൽ എത്തിക്കുന്ന പ്രവൃത്തി ശ്രീഹരിക്കോട്ടയിലെ സതീഷ് ധവാൻ സ്പെയ്സ് സെന്ററിൽ ഞായറാഴ്ച പൂർത്തിയായി.
ഭാരമേറിയ ഉപഗ്രഹങ്ങളെ ഭൂസ്ഥിര ഭ്രമണപഥത്തിലെത്തിക്കുന്നതിനു വികസിപ്പിച്ച ജിഎസ്എൽവി റോക്കറ്റിന്റെ പരിഷ്കൃത രൂപമാണ് എൽവിഎം 3. എൽവിഎം 3യുടെ അഞ്ചാമത്തെ വിക്ഷേപണമായതുകൊണ്ട് എൽവിഎം3-എം5 എന്നാണ് ദൗത്യത്തിന് പേരിട്ടിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
