ബംഗളുരു : വയനാട് മേപ്പാടി മുണ്ടക്കൈ പ്രദേശത്തുണ്ടായ ഉരുൾപൊട്ടൽ നടന്ന സ്ഥലത്തേക്ക് ബംഗളുരുവിൽ നിന്നും – ഐ ആർ ഡബ്ലിയു (ഐഡിയൽ റിലീഫ് വിംഗ്) സംഘം പുറപ്പെട്ടു.
ദുരന്ത മുഖങ്ങളിൽ ഒട്ടനവധി പ്രവർത്തന പരിചയമുള്ള സംഘം, ബംഗളുരു കേന്ദ്രീകരിച്ച് പ്രവർത്തിക്കുന്ന സന്നദ്ധ സംഘടനയായ എച്ച് ഡബ്ലിയു എ ചാരിറ്റബ്ൾ ഫൗണ്ടേഷൻ്റെ ആംബുലൻസ് അടക്കമുള്ള എല്ലാവിധ സഞ്ജീകരണങ്ങളുമായിട്ട് 10 ഓളം പേരടങ്ങുന്ന സംഘമാണ് ബംഗളുരുവിൽ നിന്നും പുറപ്പെട്ടിരിക്കുന്നത്.
ദുരന്ത നിവാരണ ആവശ്യങ്ങൾക്കുള്ള അടിയന്തര സാമഗ്രികൾ, മരുന്നുകൾ, വസ്ത്രങ്ങൾ അടങ്ങിയ സാധനങ്ങളുമായിട്ടാണ് സംഘം യാത്ര തിരിച്ചത്.
ദൗത്യ സംഘം സ്ഥലം സന്ദർഷിച്ച് വിവരങ്ങൾ നൽകുന്നതിൻ്റെ അടിസ്ഥാനത്തിൽ ബംഗളുരുവിൽ നിന്നും സാധ്യമായ എല്ലാ സഹായങ്ങളും നൽകാൻഎച്ച് ഡബ്ലിയു എ – ഐ ആർ ഡബ്ലിയു ടീം തയ്യാറാണെന്ന് എച്ച് ഡബ്ലിയു എ ഭാരവാഹികൾ അറിയിച്ചു.
ബാംഗ്ലൂർ കോൾസ് പാർക്കിലുള്ള ഓഫീസിൽ കൺട്രോൾ റൂം പ്രവർത്തനമാരംഭിച്ചിട്ടുണ്ട്. ബന്ധപ്പെടേണ്ട ഫോൺ നമ്പർ : 9620964215, 9740102004
