ബെംഗളൂരു: ഭവന വിലയിലെ വർദ്ധനവിനിടയിൽ, എട്ട് പ്രധാന നഗരങ്ങളിൽ വർഷത്തിന്റെ ആദ്യ പകുതിയിൽ ഇന്ത്യയുടെ പ്രോപ്പർട്ടി മാർക്കറ്റിൽ വിൽപ്പനയിൽ നേരിയ ഇടിവും ഓഫീസ് സ്‌പേസ് ലീസിംഗിൽ വർദ്ധനവും ഉണ്ടായതായി റിയൽ എസ്റ്റേറ്റ് കൺസൾട്ടൻസി സ്ഥാപനമായ നൈറ്റ് ഫ്രാങ്ക് ഇന്ത്യയുടെ വിശകലനം പറയുന്നു.
ബെംഗളൂരു നഗരത്തിൽ റെസിഡൻഷ്യൽ പ്രോപ്പർട്ടികളുടെ വിൽപ്പനയിലും ഓഫീസ് വാടകയ്‌ക്കെടുക്കുന്നതിലും യഥാക്രമം 2 ശതമാനവും 10 ശതമാനവും ഇടിവ് രേഖപ്പെടുത്തി. റെസിഡൻഷ്യൽ പ്രോപ്പർട്ടികളുടെ വിൽപ്പന 26,677 യൂണിറ്റിൽ നിന്ന് 26,247 യൂണിറ്റായി കുറഞ്ഞു, ഓഫീസ് വാടക 7.7 ദശലക്ഷം ചതുരശ്ര അടിയിൽ നിന്ന് 7 ദശലക്ഷം ചതുരശ്ര അടിയായി കുറഞ്ഞുവെന്നും കണക്കുകൾ സൂചിപ്പിക്കുന്നു.
ഇന്ത്യയിലെ ഭവന വിൽപന സ്ഥിരമായി തുടർന്നതിൽ 1 ശതമാനം മാത്രമാണ് കുറഞ്ഞത്, അതേസമയം മൊത്തത്തിലുള്ള ഓഫീസ് സ്‌പേസ് ലീസിംഗ് 3 ശതമാനം ഉയർന്നട്ടുണ്ട്, കഴിഞ്ഞ വർഷത്തെ അപേക്ഷിച്ച് ഭവന വിലകൾ 2 മുതൽ 10 ശതമാനം വരെ വർദ്ധിച്ചു.
ബെംഗളൂരു, മുംബൈ, പൂനെ, അഹമ്മദാബാദ്, ഡൽഹി-എൻസിആർ, ഹൈദരാബാദ്, ചെന്നൈ, കൊൽക്കത്ത തുടങ്ങിയ നഗരങ്ങളിലെ ജനുവരി മുതൽ ജൂൺ വരെയുള്ള റിയൽ എസ്റ്റേറ്റ് വിപണിയെക്കുറിച്ചാണ് കമ്പനി പഠനം നടത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
