ബെംഗളൂരു: മണിപ്പാൽ സ്വകാര്യ കോളേജിലെ രണ്ട് എഞ്ചിനീയറിംഗ് വിദ്യാർത്ഥികൾ ഞായറാഴ്ച ഉഡുപ്പിയിലെ മാൽപെ പോലീസ് സ്റ്റേഷൻ പരിധിയിലെ ഹൂഡ് ബീച്ചിൽ മുങ്ങിമരിച്ചു. ജില്ലയിലെ മറ്റ് പ്രശസ്തമായ ബീച്ചുകളെ അപേക്ഷിച്ച് അധികം സന്ദർശകർ എത്താത്ത ഈ ബീച്ചിൽ വൈകുന്നേരം 5.30 നും 6 നും ഇടയിലാണ് സംഭവം നടന്നതെന്ന് ഉഡുപ്പി എസ്പി ഹകെ അക്ഷയ് മച്ചിന്ദ്ര പറഞ്ഞു.
രണ്ട് വിദ്യാർത്ഥികളുടെ മൃതദേഹങ്ങൾ കണ്ടെടുത്തു. കാണാതായ മറ്റൊരു വിദ്യാർത്ഥിക്കായി പ്രദേശത്തെ നീന്തൽ വിദഗ്ധരുടെ സഹായത്തോടെ പോലീസ് തിരച്ചിൽ നടത്തുകയാണ്. 15 വിദ്യാർഥികൾ അടങ്ങുന്ന സംഘമാണ് ബീച്ചിലെത്തിയതെന്ന് വൃത്തങ്ങൾ അറിയിച്ചു. വിദ്യാർഥികൾ ഒഴുക്കിൽ പെട്ടിരിക്കാം. ഔദ്യോഗിക സ്ഥിരീകരണം കാത്തിരിക്കുന്നുണ്ടെങ്കിലും രണ്ടുപേരുടെ മൃതദേഹം കണ്ടെടുത്തതായി നാട്ടുകാർ പറഞ്ഞു.
ബെംഗളൂരു, ഹൈദരാബാദ് എന്നിവിടങ്ങളിൽ നിന്നുള്ളവരാണ് ഇവർ. ബന്ധുക്കൾ ഉഡുപ്പിയിൽ എത്തുന്നതുവരെ മരിച്ചവരുടെ പേരുവിവരങ്ങൾ വെളിപ്പെടുത്താൻ പോലീസ് തയ്യാറായില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
