ലക്നൗ : രാത്രി ഭക്ഷണത്തിന്റെ കൂടെ തണുത്ത പച്ചക്കറി വിഭവം വിളമ്പിയെന്ന കാരണം പറഞ്ഞ് ഭാര്യയെ ഭർത്താവ് മുത്തലാഖ് ചൊല്ലി.
ഉത്തര്പ്രദേശിലെ പിലിഭത്ത് ജില്ലയിലാണ് സംഭവം.
രാജാഗഞ്ച് സ്വദേശിയായ മുഹമ്മദ് സല്മാനുമായി ഉംറ എന്ന യുവതി 2021 മെയിലാണ് വിവാഹിതയാകുന്നത്. എന്നാല് സ്ത്രീധനം കുറഞ്ഞതിന്റെ പേരില് ഭര്ത്താവും കുടുംബവും യുവതിയെ നിരന്തരമായി ഉപദ്രവിച്ചിരുന്നതായി യുവതി പറയുന്നു. പിന്നാലെ സ്വന്തം വീട്ടിലുപേക്ഷിച്ചു.
ഇതേ തുടര്ന്ന് യുവതിയുടെ മാതാവ് സ്ത്രീധന തുക മുഹമ്മദ് സല്മാന് നല്കി. എന്നാല് സ്ത്രീധനം മതിയായില്ലെന്ന് ആരോപിച്ച് യുവതിയെ ഭര്ത്താവ് വീണ്ടും ഉപദ്രവിക്കാനരംഭിച്ചു. ഇത് എതിര്ത്തതോടെ അത്താഴത്തിന് തണുത്ത പച്ചക്കറി വിഭവം വിളമ്പിയെന്നാരോപിച്ച് മുത്തലാഖ് ചൊല്ലുകയായിരുന്നു. പിന്നാലെ യുവതി പോലീസില് പരാതി നല്കി. നിലവില് മുഹമ്മദ് സല്മാനെതിരെ കേസെടുത്ത് അന്വേഷണം ആരംഭിച്ചിരിക്കുകയാണ് യുപി പോലീസ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
