ബെംഗളൂരു : പാസ്പോർട്ട് നൽകുന്നതിനുള്ള അപേക്ഷയിലുള്ള അന്വേഷണത്തിനിടെ യുവതിയോട് മോശമായി പെരുമാറിയ പോലീസ് കോൺസ്റ്റബിളിന് സസ്പെൻഷൻ.
ബ്യാടരായണപുര പോലീസ് സ്റ്റേഷനിലെ കോൺസ്റ്റബിൾ കിരണിനെയാണ് ബെംഗളൂരു വെസ്റ്റ് ഡെപ്യൂട്ടി പോലീസ് കമ്മിഷണർ എസ്.ഗിരീഷ് സസ്പെൻഡ് ചെയ്തത്.
സോഫ്റ്റ്വേർ മേഖലയിൽ ജോലി ചെയ്യുന്ന യുവതി നൽകിയ പരാതിയിലാണ് നടപടി.
പാസ്പോർട്ടിനുള്ള അപേക്ഷയിലെ അന്വേഷണമെന്ന പേരിൽ യുവതിയുടെ വീട്ടിലെത്തിയ കോൺസ്റ്റബിൾ മോശമായി പെരുമാറിയെന്നാണ് പരാതി.
