ബെംഗളൂരു : ബെംഗളൂരുവിനടുത്ത് നെലമംഗലയിൽ പുല്ലരിയാൻ പോയ സ്ത്രീ പുള്ളിപ്പുലിയുടെ ആക്രമണത്തിൽ കൊല്ലപ്പെട്ടു.
നെലമംഗല ഗൊല്ലാരഹട്ടി കമ്പാലു സ്വദേശി കരിയമ്മ (50) ആണ് മരിച്ചത്. ഞായറാഴ്ച വൈകീട്ടാണ് സംഭവം.
കരിയമ്മ തിരിച്ചെത്താത്തതിനെത്തുടർന്ന് ബന്ധുക്കൾ നടത്തിയ തിരച്ചിലിൽ പാതി ശരീരം പുലി തിന്ന നിലയിൽ കണ്ടെത്തുകയായിരുന്നു. വനമേഖലയോട് ചേർന്ന പ്രദേശമാണിത്.
വനം ഉദ്യോഗസ്ഥർ സ്ഥലത്തെത്തി. പുലിയെ കണ്ടെത്താനായി തിരച്ചിൽ തുടങ്ങി. പുലിയെ പിടിക്കാനുള്ള കൂടുകളും സ്ഥാപിച്ചു.
