ബെംഗളൂരു : മഹാരാഷ്ട്ര-കർണാടക അതിർത്തിയിലെ ബസവകല്യൺ താലൂക്കിലെ ഉജലംബ ഗ്രാമത്തിലെ ഭൂമിയിൽ ബീദർ പോലീസ് റെയ്ഡ് നടത്തി രണ്ട് കോടിയിലധികം രൂപ വിലമതിക്കുന്ന അനധികൃത കഞ്ചാവ് പിടിച്ചെടുത്തതായി ജില്ലാ പോലീസ് സൂപ്രണ്ട് പ്രദീപ് ഗുണ്ടി പറഞ്ഞു.
ബസവന്ത് എന്ന മഹാരാഷ്ട്ര കർഷകൻ്റെ കർണാടക സർവേ നമ്പരിൽ പെട്ട ഭൂമിയിൽ കഞ്ചാവ് കൃഷിയുണ്ടെന്ന കൃത്യമായ വിവരത്തിൻ്റെ അടിസ്ഥാനത്തിലാണ് പോലീസ് ഉദ്യോഗസ്ഥരുടെ സംഘം റെയ്ഡ് നടത്തിയത്.
കൃഷിയിടത്തിലെ തൊഗരി വിളകൾക്കിടയിലാണ് കഞ്ചാവ് ചെടികൾ നട്ടത്. ചെടികൾ ഏകദേശം 6 അടി ഉയരത്തിൽ വളർന്നു. ഞങ്ങളുടെ ജീവനക്കാർ പഞ്ചനാമം നടത്തുകയും 700-ലധികം കഞ്ചാവ് ചെടികൾ പിഴുതെറിയുകയും ചെയ്തു.
ഓപ്പറേഷൻ ഇപ്പോഴും തുടരുകയാണ്. രണ്ട് കോടിയിലധികം വിലമതിക്കുന്ന 400 കിലോ കഞ്ചാവ് ഇവിടെയുണ്ടാകുമെന്നാണ് കണക്കാക്കുന്നത്. പ്രതികൾ ഒളിവിലാണെന്നും തിരച്ചിൽ തുടരുകയാണെന്നും എസ്പി പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
