ബെംഗളൂരു: ഓഗസ്റ്റ് 1 നും 9 നും ഇടയിൽ സംസ്ഥാനത്ത് നിന്ന് ട്രാഫിക് നിയമലംഘനങ്ങൾക്കായി പുറപ്പെടുവിച്ച ഇ-ചലാനുകളുടെ എണ്ണത്തിൽ റെക്കോർഡ് സൃഷ്ടിക്കപ്പെട്ടതായി സംസ്ഥാന അഡീഷണൽ ഡയറക്ടർ ജനറൽ ഓഫ് പോലീസ് (ട്രാഫിക് ആൻഡ് റോഡ് സേഫ്റ്റി) അലോക് കുമാർ പറഞ്ഞു.
കണക്കുകൾ പ്രകാരം രാജ്യത്തെ ട്രാഫിക് ഇ ചലാനുകളുടെ 50 ശതമാനവും കർണാടകയിൽ നിന്നാണ് എന്നാണ് റിപ്പോർട്ടുകൾ.
വ്യാഴാഴ്ച, ഉന്നത പോലീസ് ഉദ്യോഗസ്ഥൻ സോഷ്യൽ മീഡിയയിൽ ഡാറ്റ പങ്കിടുകയും ചെയ്തു. “ഇ-ചലാൻ ഉപയോഗിച്ച് ട്രാഫിക് ലംഘനവുമായി ബന്ധപ്പെട്ട പിഴ ശേഖരണത്തിൽ സംസ്ഥാനം രാജ്യത്തിൽ വളരെ മുന്നിലാണ്.
കർണാടകയിൽ നിന്ന് തന്നെ 50% ഇ-ചലാൻ ജനറേഷൻ. ഭാവിയിൽ ഗതാഗത നിയമലംഘനങ്ങൾക്ക് കൈകൊണ്ട് രസീത് ഉണ്ടാക്കുന്നതിൽ നിന്ന് സംസ്ഥാന പോലീസ് വിട്ടുനിൽക്കുമെന്നും അദ്ദേഹം ഊന്നിപ്പറഞ്ഞു.
അധികം വൈകാതെ മാനുവൽ രസീത് സംവിധാനം ഒഴിവാക്കി മുഴുവൻ സംസ്ഥാനവും ഇ-ചലാൻ കവർ ചെയ്യുമെന്നും അദ്ദേഹം കൂട്ടിച്ചേർത്തു.
കണക്കുകൾ പ്രകാരം, കർണാടകയിൽ ഓഗസ്റ്റ് 1 നും 9 നും ഇടയിൽ മൊത്തം 24,694 ഇ-ചലാനുകൾ ജനറേറ്റുചെയ്തു, അതിൽ 111 ചലാനുകൾ നിയമലംഘകർ തീർപ്പാക്കിയിട്ടുണ്ട്.
7,160 ഇ ചലാനുകളുമായി തമിഴ്നാട് രണ്ടാം സ്ഥാനത്തും 4,468 ഇ ചലാനുകളുമായി മഹാരാഷ്ട്ര മൂന്നാം സ്ഥാനത്തുമാണ് ഉള്ളത്.
വാഹനങ്ങളുടെ പിഴ ഈടാക്കാൻ ആളുകളെ പ്രോത്സാഹിപ്പിക്കുന്നതിനായി കർണാടക സർക്കാർ ബംഗളൂരുവിൽ ട്രാഫിക് പിഴകളിൽ 50 ശതമാനം ഇളവ് നേരത്തെ പ്രഖ്യാപിച്ചിരുന്നു.
ബെംഗളൂരുവിൽ ഇ-ചലാൻ കേസുകളുള്ള ധാരാളം ആളുകൾ പിഴ അടക്കാൻ ട്രാഫിക് പോലീസ് സ്റ്റേഷനുകളും നഗരത്തിലെ ഇൻഫൻട്രി റോഡിലുള്ള ട്രാഫിക് മാനേജ്മെന്റ് സെന്ററും സന്ദർശിച്ചു.
പേ ടി എം, കർണാടക വൺ വെബ്സൈറ്റ് വഴിയും നിയമം ലംഘിക്കുന്നവർക്ക് തീർപ്പാക്കാത്ത ട്രാഫിക് പിഴകൾ അടക്കാം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
