തിരുവനന്തപുരം : കോവിഡ് മഹാമാരി സൃഷ്ടിച്ച പ്രതിസന്ധികളെ തുടര്ന്ന് അടച്ചിട്ട വിദ്യാലയങ്ങള് ഇന്ന് മുതൽ വീണ്ടും തുറന്ന് പ്രവര്ത്തിക്കും. ഒന്നു മുതല് ഏഴു വരെയുളള ക്ലാസുകളും, 10, 12 ക്ലാസുകളും ഇന്ന് മുതലും ബാക്കിയുള്ള ക്ലാസുകള് നവംബര് 15 മുതലുമാണ് ആരംഭിക്കുക. ഈ സാഹചര്യത്തില് എല്ലാവരുടെയും സഹകരണം ആവശ്യമാണെന്ന് മുഖ്യമന്ത്രി പറഞ്ഞു.
കോവിഡ് മഹാമാരിയുടെ പശ്ചാത്തലത്തില് ദീര്ഘകാലം അടച്ചിടേണ്ടി വന്ന വിദ്യാലയങ്ങള് ഇന്ന് മുതല് വീണ്ടും തുറന്നു പ്രവര്ത്തിക്കുകയാണ്. അധ്യയനം ഓണ്ലൈന് സംവിധാനങ്ങള് ഉപയോഗിച്ച് മികച്ച രീതിയില് മുന്നോട്ടു കൊണ്ടുപോകാന് സാധിച്ചിരുന്നെങ്കിലും കൂട്ടുകാരുമായി ഒത്തുചേര്ന്ന് പഠിക്കുന്നതിനും കളിക്കുന്നതിനുമൊക്കെ കുട്ടികള്ക്ക് സാധിക്കാതെ പോയത് വിഷമകരമായ കാര്യമായിരുന്നു. മാത്രമല്ല, വിദ്യാലയങ്ങളില് നേരിട്ട് നടക്കേണ്ട വിദ്യാഭ്യാസത്തിന്റെ അഭാവം സൃഷ്ടിച്ചിരുന്ന വെല്ലുവിളികളുമുണ്ടായിരുന്നു. ഇന്ന് മുതല് ആ സ്ഥിതി മാറുകയാണ്.
18 വയസ്സിനു മുകളിലുള്ളവരില് 95 ശതമാനത്തോളം പേര്ക്കും വാക്സിനേഷന് നല്കിയതോടെ സാമൂഹിക നിയന്ത്രണങ്ങളില് കൂടുതല് ഇളവുകള് നല്കാന് സംസ്ഥാനം പ്രാപ്തമായിട്ടുണ്ട്. പുതിയ കേസുകളുടേയും ചികിത്സയില് ഉള്ള രോഗികളുടേയും എണ്ണം വലിയ തോതില് കുറഞ്ഞിട്ടുണ്ട്. ഈ സാഹചര്യത്തിലാണ് മികച്ച ജാഗ്രത പുലര്ത്തിക്കൊണ്ട് വിദ്യാലയങ്ങള് തുറന്നു പ്രവര്ത്തിക്കാനുള്ള തീരുമാനം സര്ക്കാര് കൈക്കൊണ്ടത്. ഒന്നു മുതല് ഏഴു വരെയുളള ക്ലാസ്സുകളും, 10, 12 ക്ലാസ്സുകളും നവംബര് ഒന്നു മുതലും ബാക്കിയുള്ള ക്ലാസ്സുകള് നവംബര് 15 മുതലും ആരംഭിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
