ബെംഗളൂരു : സ്മാർട്ട് സിറ്റി പദ്ധതിയിൽ ഉൾപ്പെടുത്തി നവീകരിച്ച നവീകരിച്ച നഗരത്തിലെ പ്രധാന വാണിജ്യ പാതയായ കൊമേഴ്സ്യൽ സ്ട്രീറ്റ് ഇന്നു മുതൽ 15 ദിവസത്തേക്ക് അടച്ചിടുന്നു.
3.8 കോടി മുതൽ മുടക്കി 6 മാസം കൊണ്ട് നിർമ്മിച്ച പാതയുടെ നിർമ്മിതിയിൽ പാകപ്പിഴകൾ കണ്ടെത്തിയതിനാലാണ് ഇത്.
മഴ പെയ്യുമ്പോൾ വെള്ളക്കെട്ട് രൂപപ്പെടുന്നത് നിത്യ സംഭവമായപ്പോൾ ആണ് ബെംഗളൂരു സ്മാർട്ട് സിറ്റി ലിമിറ്റെഡ് ഇങ്ങനെ ഒരു തീരുമാനമെടുത്തത്.
കരാറുകാരനിൽ നിന്ന് നിർമാണത്തിലെ പാകപ്പിഴ ചൂണ്ടിക്കാണിച്ച് പിഴ ഈടാക്കിയിട്ടുണ്ട്.
അഞ്ചര മീറ്റർ റോഡും രണ്ടര മീറ്റർ വീതം വരുന്ന നടപ്പാതയുമുള്ള നവീകരിച്ച കൊമേഴ്സ്യൽ സ്ട്രീറ്റ് കഴിഞ്ഞ ജൂലൈ 24 നാണ് അന്നത്തെ മുഖ്യമന്ത്രിയായിരുന്ന യെദിയൂരപ്പ ഉൽഘാടനം ചെയ്തത്.ആദ്യ ദിവസം തന്നെ നിലത്ത് പതിച്ച ഇൻ്റെർ ലോക്ക് കട്ടകൾ ഇളകിയതിനെ തുടർന്ന് നിർമ്മാണത്തിലെ അപാകത ചൂണ്ടിക്കാണിക്കപ്പെട്ടിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
