ബെംഗളൂരു : ബി.എം.ടി.സി ബസുകൾക്ക് മാത്രമായി നിർമ്മിക്കുന്ന പ്രത്യേക പാതയിൽ തങ്ങൾക്ക് വേണ്ടി വാടകക്ക് സർവ്വീസ് നടത്തുന്ന ബി.എം.ടി.സി ബസുകൾ കൂടി പ്രവേശനം നൽകണമെന്ന ഔട്ടർ റിംഗ് റോഡ് കമ്പനീസ് അസോസിയേഷന്റെ ആവശ്യം ബി.എം.ടി സി തള്ളി.
ബസുകൾക്കുള്ള പ്രത്യേക പാത ആദ്യ ഘട്ടത്തിൽ തുടങ്ങുന്നത് ഔട്ടർ റിംഗ് റോഡിലാണ്, ഈ മാസം 20 ഓടെ പരീക്ഷണ ഓട്ടം ആരംഭിക്കും.
ടെക് പാർക്കുകളിലെ ജീവനക്കാരെ കൊണ്ടുവരുന്നതിനായി ഉപയോഗിക്കുന്ന ബി.എം ടി സി വാടക ബസുകൾ പുതിയ പാതയിൽ കടത്തിവിടണമെന്നാണ് സംഘടന ആവശ്യപ്പെട്ടത്.
എന്നാൽ തൽക്കാലം പൊതുഗതാഗത ആവശ്യങ്ങൾക്കായി ഉപയോഗിക്കുന്ന ബിഎംടിസി ബസ്സുകൾക്ക് മാത്രമേ ഈപാതയിൽ പ്രവേശനം ഉണ്ടാവുകയുള്ളൂ എന്ന് ബി എം ടി സി എം ഡി. സി. ശിഖ അറിയിച്ചു.
ഈ പാതയിൽ മാത്രം 2.5 ലക്ഷം പേർ ബിഎംടിസി ബസ്സുകളിൽ യാത്ര ചെയ്യുന്നുണ്ട്.
തിരക്കുള്ള സമയങ്ങളിൽ ഇരു ദിശകളിലേക്കും ആയി 130 ബസ്സുകൾ സർവീസ് നടത്തുന്നുണ്ട് പരീക്ഷണം വിജയകരമായാൽ മറ്റു ബസുകൾക്ക് അനുമതി നൽകുന്നത് പരിഗണിക്കാമെന്നും ശിഖ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
