Day: 5 July 2019

ബെംഗളൂരു: ബെംഗളൂരു കെംപഗൗഡ അന്താരാഷ്ട്ര വിമാനത്താവളം യാത്രക്കാരുടെ സുരക്ഷാ പരിശോധനകൾക്കായി ബോഡി സ്കാനറുകൾ ഉപയോഗിക്കുന്ന രാജ്യത്തെ ആദ്യ വിമാനത്താവളമാകും. 2020 ഓടെയാകും ബെംഗളൂരു വിമാനത്താവളത്തിലെ ബോഡി സ്കാനറുകൾ യാഥാർഥ്യമാവുക. ബംഗളൂരുവിന് പുറമെ ഡൽഹി, മുംബൈ, കൊൽക്കത്ത, അമൃത്സർ, ഹൈദരാബാദ്, ജമ്മു കശ്മീരിലെ മൂന്ന് വിമാനത്താവളങ്ങൾ എന്നിവയാണ് ഈ പട്ടികയിലുള്ളത്. നിലവിൽ മെറ്റൽ ഡിറ്റക്ടറുകളാണ് രാജ്യത്തെ വിമാനത്താവളങ്ങളിൽ യാത്രക്കാരെ പരിശോധിക്കാനായി ഉപയോഗിക്കുന്നത്. ജൂലൈ ഒന്നിന് ആരംഭിച്ച ബോഡി സ്കാനറുകളുടെ പരീക്ഷണ ഉപയോഗം അടുത്ത മൂന്ന് ആഴ്ചകൾ കൂടി തുടരുമെന്ന് വിമാനത്താവള വൃത്തങ്ങൾ വ്യക്തമാക്കി. മില്ലീമീറ്റർ വേവ്…

ബെംഗളൂരു: ഓല-യൂബർ ടാക്സികൾക്ക് നഗരത്തിൽ ഇനി തോന്നിയപോലെ പാർക്കിങ് അനുവദിക്കില്ല. തിരക്കേറിയ റോഡുകളിൽ വെബ്‌ടാക്സികൾ ഇനി സ്വന്തം പാർക്കിങ് ഇടങ്ങൾ കണ്ടെത്തണമെന്നും ട്രാഫിക് പൊലീസ് അറിയിച്ചു. തിരക്കേറിയ റോഡുകളിലെ പാർക്കിങ് ഗതാഗതക്കുരുക്ക് രൂക്ഷമാക്കിയതിനെ തുടർന്നാണ് സ്വന്തം ഇടങ്ങൾ കണ്ടെത്താനുള്ള നിർദേശം. തങ്ങൾ വാഹനം പാർക്ക് ചെയ്യുന്നില്ലെന്നും യാത്രക്കാരെ കയറ്റുകയും ഇറക്കുകയും മാത്രമേ ചെയ്യുന്നുള്ളൂ എന്നുമാണ് വെബ്‌ടാക്സി കമ്പനികൾ പറയുന്നത്. സ്വന്തം നിലയ്ക്ക് പാർക്കിങ് സൗകര്യം ഒരുക്കാൻ തയാറാണെന്നും നഗരത്തിൽ സ്ഥലം ലഭിക്കാത്തതാണ് പ്രശ്നം സൃഷ്ടിക്കുന്നതെന്നുമാണ് കമ്പനി പ്രതിനിധികൾ നൽകിയ മറുപടി. റെയിൽവേ സ്റ്റേഷനിലും ബസ് ടെർമിനലുകളിലും  വെബ്ടാക്സികൾക്ക് പ്രത്യേക…

ബെംഗളൂരു: ബി.ബി.എം.പി. നഗരത്തിൽ പിങ്ക് ഓട്ടോറിക്ഷകൾ നിരത്തിലിറക്കുന്നു. സ്ത്രീകളുടെ സുരക്ഷയെ മുൻനിർത്തിയാണ് പിങ്ക് ഓട്ടോറിക്ഷകൾ ഇറക്കുന്നത്. സ്ത്രീകൾക്കും കുടുംബാംഗങ്ങൾക്കും മാത്രമായിരിക്കും ഇത്തരം ഓട്ടോറിക്ഷയിൽ യാത്രചെയ്യാൻ സാധിക്കുക. ആദ്യഘട്ടത്തിൽ 1,000 പിങ്ക് ഓട്ടോറിക്ഷകൾ നിരത്തിലിറക്കാനാണ് ലക്ഷ്യമിടുന്നത്. പിങ്ക് ഓട്ടോയിൽ സി.സി.ടി.വി. ക്യാമറയും ജി.പി.എസും ഉള്ളതിനാൽ സ്ത്രീകൾക്ക് ഭയമില്ലാതെ യാത്രചെയ്യാം. ബി.ബി.എം.പി.യുടെ ക്ഷേമപദ്ധതിയുടെ കീഴിലാകും ഓട്ടോറിക്ഷകൾ നിരത്തിലിറക്കുക. പിങ്ക് ഓട്ടോയ്ക്ക് 75,000 രൂപ സബ്സിഡി നൽകുമെന്ന് ബി.ബി.എം.പി. വെൽഫെയർ അസിസ്റ്റന്റ് കമ്മിഷണർ നാഗേന്ദ്ര നായക് പറഞ്ഞു. പുരുഷൻമാർക്കും സ്ത്രീകൾക്കും പിങ്ക് ഓട്ടോറിക്ഷകൾ ഓടിക്കാമെങ്കിലും സ്ത്രീകൾക്കായിരിക്കും മുൻഗണന. ഓട്ടോറിക്ഷയുടെ…