തിരുവനന്തപുരം: കന്യാകുമാരിക്കു തെക്കും ശ്രീലങ്കയ്ക്കു പടിഞ്ഞാറുമായി ഉള്ക്കടലില് രൂപംകൊണ്ട ന്യൂനമര്ദം ശക്തിപ്രാപിക്കുന്നുവെന്ന മുന്നറിയിപ്പിനെ തുടര്ന്നു മുഖ്യമന്ത്രി പിണറായി വിജയന് ഉന്നതതല യോഗം വിളിച്ചു. ഇന്ന് വൈകിട്ട് സെക്രട്ടറിയേറ്റിലാണ് യോഗം ചേരുക.
മുഖ്യമന്ത്രിയുടെ അധ്യക്ഷതയില് ചേരുന്ന യോഗം ന്യൂനമര്ദത്തിന്റെ സ്ഥിതിഗതികള് വിലയിരുത്തും. ബുധനാഴ്ച വരെ തെക്കന് തീരത്തു ശക്തമായ കാറ്റിനൊപ്പം കനത്ത മഴയ്ക്കും സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്കിയിട്ടുണ്ട്. മത്സ്യത്തൊഴിലാളികള് ബുധനാഴ്ച വരെ കടലില് പോകരുതെന്ന് ദുരന്ത നിവാരണ അഥോറിറ്റിയും ജില്ലാ ഭരണകൂടവും മുന്നറിയിപ്പു നല്കിയിട്ടുണ്ട്.
കേരളത്തിലും തമിഴ്നാട്ടിലും ശക്തമായ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കിയിട്ടുണ്ട്. മണിക്കൂറില് 60 കിലോമീറ്റര് വേഗതയില് കാറ്റ് വീശുവാനും സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
ഓഖി ദുരന്തത്തിന്റെ പശ്ചാത്തലത്തില് ശക്തമായ മുന്കരുതലാണ് സര്ക്കാര് സ്വീകരിച്ചിരിക്കുന്നത്. ഓഖിയില് നിന്ന് പാഠം ഉള്ക്കൊണ്ട് ഇന്ത്യന് കാലാവസ്ഥാ കേന്ദ്രത്തെക്കാള് (ഐഎംഡി) മുന്പേ സംസ്ഥാന ദുരന്തനിവാരണ അതോറിറ്റി മുന്നറിയിപ്പുമായി രംഗത്തെത്തി എന്നത് ശ്രദ്ധേയമായി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
