ബെംഗളൂരു ∙ നെലമംഗല-ഹാസൻ പാതയിലെ കൂടുതൽ റെയിൽവേ സ്റ്റേഷനുകളിൽ ടിക്കറ്റ് റിസർവേഷൻ കൗണ്ടറുകൾ ആരംഭിക്കുന്നു. നെലമംഗല, കുണിഗൽ, യെഡിയൂർ, ബിജി നഗർ, ശ്രാവണബെലഗോള, ചന്നരായപട്ടണ സ്റ്റേഷനുകളിലാണ് 29 മുതൽ റിസർവേഷൻ സൗകര്യം ആരംഭിക്കുക.
നേരത്തെ സാധാരണ ടിക്കറ്റെടുക്കാനുള്ള സൗകര്യം മാത്രമേ ഉണ്ടായിരുന്നുള്ളൂ. അടുത്തകാലത്താണ് ബെംഗളൂരുവിൽ നിന്ന് ഹാസനിലേക്ക് നെലമംഗല വഴിയുള്ള പുതിയ പാത കമ്മിഷൻ ചെയ്തത്.
