മൈസൂരു∙ ദസറ ആഘോഷങ്ങളുടെ ഭാഗമായുള്ള ഹെലികോപ്ടർ സവാരി 15ന് ആരംഭിക്കും. രാവിലെ പത്ത് മുതൽ വൈകിട്ട് അഞ്ചു വരെ ലളിത് മഹൽ പാലസ് ഗ്രൗണ്ടിലെ ഹെലിപാഡിൽ നിന്നാണ് സർവീസ് നടത്തുക. 15 മിനിറ്റ് ദൈർഘ്യമുള്ള സവാരിക്ക് 2300 രൂപയാണ് ഒരാൾക്ക് ടിക്കറ്റ് നിരക്ക്. ഒരു കോപ്ടറിൽ ആറു പേർക്ക് യാത്ര ചെയ്യാം.
മൈസൂരു നഗരത്തിന്റെ ആകാശക്കാഴ്ചകൾ ആസ്വദിക്കാൻ സാധിക്കുന്ന ഹെലികോപ്ടർ സവാരിക്ക് മുൻ വർഷങ്ങളിലും ഒട്ടേറെ പേരെത്തിയിരുന്നു. ഇത്തവണ രണ്ട് ഹെലികോപ്ടറുകളാണ് സവാരിക്ക് ഒരുക്കിയിരിക്കുന്നത്. ടിക്കറ്റ് വിതരണത്തിന് ഹെലിപാഡിൽ കൗണ്ടർ സ്ഥാപിച്ചിട്ടുണ്ട്.
