ചെന്നൈ: തമിഴ്നാട്ടിൽ ഇന്ന് മുതൽ ഒരാഴ്ചയോളം കനത്ത മഴയിൽ നിന്നും വലിയൊരു ഇടവേള ലഭിക്കാൻ സാധ്യത.
എന്നിരുന്നാലും, ചെന്നൈയിലെ പ്രാദേശിക കാലാവസ്ഥാ കേന്ദ്രം (ആർഎംസി) പറയുന്നതനുസരിച്ച് സംസ്ഥാനത്തിന്റെ ചില ഭാഗങ്ങളിൽ മഴ തുടരും.
എന്നാൽ കാഴ്ച അഴയിലേതുപോലെ ശക്തമാകാൻ സാധ്യതയില്ലെന്നും പ്രാദേശിക കാലാവസ്ഥാ കേന്ദ്രം വ്യക്തമാക്കി.
തെക്കുകിഴക്കൻ അറബിക്കടലിൽ രൂപപ്പെട്ട ചുഴലിക്കാറ്റ് ഞായറാഴ്ചയോടെ ന്യൂനമർദമായി മാറാൻ സാധ്യതയുണ്ടെന്നാണ് ആർഎംസി പ്രവചിക്കുന്നത്.
പശ്ചിമഘട്ടത്തിലെയും തെക്കൻ തമിഴ്നാട്ടിലെയും ജില്ലകളിൽ ഇത് സ്വാധീനം ചെലുത്തും.
ഡിസംബർ 15 വരെ മഴ കുറയുമെന്നും ചെന്നൈയിലെ പ്രാദേശിക കാലാവസ്ഥാ കേന്ദ്രം വ്യക്തമാക്കി
രണ്ട് ദിവസത്തിനകം കാലാവസ്ഥ പടിഞ്ഞാറോട്ട് നീങ്ങിയാൽ മഴ കുറയുമെന്ന് ചെന്നൈയിലെ ഏരിയ സൈക്ലോൺ വാണിംഗ് സെന്റർ ഡയറക്ടർ പി.സെന്താമരൈ കണ്ണൻ അറിയിച്ചു.
എന്നിരുന്നാലും, അടുത്ത ഏതാനും ദിവസങ്ങളിൽ ചെന്നൈയിലെ ചില ഭാഗങ്ങളിൽ നേരിയതോ മിതമായതോ ആയ മഴ ലഭിച്ചേക്കാമെന്നും അദ്ദേഹം കൂട്ടിച്ചേർത്തു.
അതേസമയം, ഒരാഴ്ചത്തേക്ക് വ്യാപകമായ മഴ പെയ്യാൻ സാധ്യതയില്ലെന്നും. തമിഴ്നാട്-ആന്ധ്രാപ്രദേശ് തീരത്ത് മണിക്കൂറുകളോളം തങ്ങിനിന്ന മൈചോങ് ചുഴലിക്കാറ്റിനെത്തുടർന്ന് അന്തരീക്ഷത്തിൽ ഈർപ്പം സമൃദ്ധമായതിനാൽ തിങ്കളാഴ്ച വരെ ചെന്നൈയിൽ നേരിയ മഴയ്ക്ക് മാത്രമേ സാധ്യതയുള്ളുവെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
