ബെംഗളൂരു: ചന്ദ്രയാൻ 3 ന്റെ വിജയത്തോടുള്ള ആദരസൂചകമായി, കർണാടകയിലെ യാദ്ഗിർ ജില്ലയിലെ രണ്ട് ദമ്പതികൾ തങ്ങളുടെ നവജാതശിശുക്കൾക്ക് ചന്ദ്രയാൻ -3 ന്റെ പ്രഗ്യാൻ റോവറിന്റെയും വിക്രം ലാൻഡറിന്റെയും പേര് നൽകി ഈ ചരിത്ര വിജയത്തെ അനുസ്മരിച്ചിരിക്കുകയാണ്
ഓഗസ്റ്റ് 23 ന് ചന്ദ്രന്റെ ദക്ഷിണ ധ്രുവത്തിൽ സോഫ്റ്റ് ലാൻഡിംഗ് നേടിയ ശേഷമാണ് രാജ്യത്തിന്റെ ചാന്ദ്ര ദൗത്യം ചരിത്രം സൃഷ്ടിച്ചത്.
ചന്ദ്രയാൻ-3 വിജയകരമായി വിക്ഷേപിച്ചതിന് തൊട്ടുപിന്നാലെ ഒരേ കുടുംബത്തിൽ ആയി രണ്ട് ആൺകുട്ടികൾ ജനിച്ചു. യാദ്ഗിറിലെ വഡഗേര പട്ടണത്തിൽ നിന്നുള്ളവരാണ് ദമ്പതികൾ.
ബാലപ്പയുടെയും നാഗമ്മയുടെയും ആൺകുഞ്ഞ് ജൂലൈ 28 ന് ജനിച്ചത്, അവന് വിക്രം എന്ന് പേരിട്ടു, അതേസമയം നിങ്കപ്പയുടെയും ശിവമ്മയുടെയും കുഞ്ഞിന് ഓഗസ്റ്റ് 14 ന് ജനിച്ച് പ്രഗ്യാൻ എന്ന് പേരിട്ടു.
ചാന്ദ്ര ദൗത്യം വിജയിച്ചതായി ഐഎസ്ആർഒ പ്രഖ്യാപിച്ചതിന് തൊട്ടുപിന്നാലെ ഓഗസ്റ്റ് 24 ന് ഒരേ ദിവസമാണ് രണ്ട് കുട്ടികളുടെയും പേരിടൽ ചടങ്ങ് നടന്നത്.
തങ്ങളുടെ സന്തോഷം പ്രകടിപ്പിക്കാനും ചന്ദ്രയാൻ 3 ന്റെ വിജയത്തിന് ഇന്ത്യൻ ബഹിരാകാശ ഗവേഷണ സ്ഥാപനത്തിന് (ഐഎസ്ആർഒ) നന്ദി പറയാനുമാണ് മക്കൾക്ക് ഈ പേരിടാൻ തീരുമാനിച്ചതെന്ന് ദമ്പതികൾ പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
